Corpus Van Reenen-Mulder (CRM14): Oorkonde I587r39303

Wy willem van + der does bi + der ghenaden gods abt van Onser vrouwen Cloost_e in middelb_ Ende Tghemeene _uent ? ? ?seiden Cloest_e Doen Cond allen luden dat wi vercoft hebben vor ons Ende vor onse nacomelinghen om orbaer En_ p_fijt ons ?eens Cloest_s vorscr_ Eueraed yen sone Tien ghemeten lands ligghende binnen der p_chien van wissenk_ke in noortbeuel_t (-) (-) ambocht van aernemuden Jnt zwtambocht in alre manieren alst hem bewijst es na onsen boken van welken lande Eueraed vorscr_ ons vol Ende al betaelt heeft beede den Eersten pe_ninc Ende den lesten Ende hem daer of quite schelden Ende ghelouen vor ons En_ vor onse nacomelinghen Eueraerde vorn_ Recht warent te wesene van desen vorseiden lande Jn Orconde desen brieue zo hebben wi willem abt En_ Tghemeene _uent vorscr_ desen brief bezeghelt met onsen zeghele vuthanghende Dit was ghedaen Jnt Jaer ons he_en . M˚ . CCC˚ . drie en_ Tneghentich vp Sinte lucas dach Ewangeliste