Corpus Van Reenen-Mulder (CRM14): Oorkonde I587r39305

Wij willem van der does bij der ghenaden gods Abt Ons_ vrouwen cloostere in Middelb_ ende tghemeene _uent van den vors_ cloostere doen Cond allen luden dat wij hebben vercoft vor ons ende vor onse nacomelinghen om orbaer en_ p_fiit ons ghemeens cloosters vorscr_ hughe musschet wissen sone zesse ghemeten ende neghentien roeden lands ligghende binnen der p_chien van wissenk_ke Jn noortbeuelant Jn boudijns ambocht van den vliete int noortambocht Jn alre manieren alst hem bewiist es na onsen boken van welke_ lande hughe vorscr_ ons vol ende al betaelt heeft beede den Eersten pe_ninc ende den lesten Ende hem daer + of quite schelden Ende ghelouen vor ons ende vor onse nacomelinghen recht warent te wesene van desen vors_ lande Jn Orconden desen brieue So hebben wij willem abt ende tghemeene _uent desen brief bezeghelt met Onsen zeghele vuthanghende Dit was ghedaen Jnt Jaer ons heeren M˚ CCC˚ drie ende tneghentich up Sinte lucas dach Ewangeliste