Corpus Van Reenen-Mulder (CRM14): Oorkonde I587r39307

Wy willem van + der does bi + der ghenaden gods abt van Onser vrouwen Cloost_e in Middelb_ En_ tghemeene _uent van + den vorseiden Cloostere Doen Cond allen luden dat wi vercoft hebben vor ons En_ vor onse nacomelinghen om orbaer En_ p_fijt ons ghemeens Cloost_s vorscr_ Pancraes gillis sone vier ghemeten Een En_ tseuentichst + alf Roeden min lands ligghende binnen der prochien van wissenk_ke in noortbeuel_t in onsen ambochte jnt zwtamb_ En_ twee ghemeten lands ligghende binnen der p_chien van zoelink_ke in Clais Jans sons En_ Jans zijns broed? amb_ vor wout_ heynrix sons ou_ den wech Jn alre manieren alst hem bewijst es na onsen boken van welken lande pancraes vorscr_ ons vol En_ al betaelt heeft beede den Eersten pe_ninc En_ den lesten En_ hem daer of quite schelden En_ ghelouen vor ons En_ vor onse nacomelinghen recht warent te wesene van desen vorseiden lande Jn Orconden desen brieue zo hebben wij willem abt En_ tghemeene _uent vorscr_ desen ? ?eghelt met onsen zeghele vuthangh_ Dit was ghedaen Jnt Jaer ons he_en . M˚ . CCC˚ . drie en_ tneghentich vp Sinte lucas ?ch Ewangeliste