Corpus Van Reenen-Mulder (CRM14): Oorkonde I587r39308

Wij willem van der does bij der ghenaden gods Abt van Ons_ vrouwen cloost_e in Middelb_ ende tghemeene _uent van den vorseiden cloost_e Doen cond allen luden dat wij hebben vercoft vor ons ende vor onse nacomelinghen om orbaer en_ p_fiit ons ghemeens cloost_s vorscr_ willem die Man hughen sone vierd + alf ghemet ende een alf vierendeel lands ligghende binnen der p_chien van wissenk_ke in noortbeuelant in der kinder~ambocht van aernemuden Jnt zuutamb_ Jn alre manieren alst hem bewijst es na onsen boken van welken lande willem vorscr_ ons vol ende al betaelt heeft beede den Eersten pe_ninc ende den lesten Ende hem daer of quite schelden Ende ghelouen vor ons En_ vor onse nacomelinghen recht warent te wesene van desen vorseiden lande Jn Orconden desen brieue So hebben wij willem abt ende tghemeene _uent desen brief bezeghelt met onse_ zeghele vuthanghende Dit was ghedaen Jnt Jaer ons he_en M˚ CCC˚ drie ende tneghentich vp Sinte lucas dach Ewangeliste