Corpus Van Reenen-Mulder (CRM14): Oorkonde I587r39309

Wy willem van + der does bi + der ghenaden gods abt van Onser vrouwen Cloost_e in middelb_ Ende Tghemeene _uent van + den vorseiden Cloost_e doen Cond allen luden dat wi vercoft hebben vor ons En_ vor onse nacomelinghen om orbaer En_ p_fijt ons ghemeens Cloosters vorsc_ poppe clais gillis sons sone twee ghemeten Ende achte en_ twintich roeden lands ligghende binnen der p_chien van wissenk_ke in noortbeuel_t in boudins ambocht van + den vliete int noortamb_ Jn alre manieren alst hem bewijst es na onsen boken van welken lande poppe vorscr_ ons vol en_ al betaelt heeft beede den Eersten pe_ninc En_ den lesten En_ hem daer of quite schelden En_ ghelouen vor ons En_ vor onse nacomelinghen recht warent te wesene van desen vorseiden lande Jn Orconde desen brieue So hebben wi willem abt En_ tghemeene _uent vorscr_ desen brief bezeghelt met onsen zeghele vuthanghende dit was ghedaen Jnt iaer ons he_en M˚ . CCC˚ . drie en_ Tneghentich vp Sinte lucas dach Ewangeliste