Corpus Van Reenen-Mulder (CRM14): Oorkonde I587r39310

Wij willem van der does bij der ghenaden gods Abt van Ons_ vrouwen cloost_e in Middelb_ ende tghemeene _uent van den vors_ cloost_e Doen cond allen luden dat wij hebben vercoft vor ons ende vor onse nacomelinghen om orbaer ? ? ons ghemeens cloost_s vorscr_ Martijn hughen sone Een ghemet zeuene ende viertich roeden min lands ? ? der p_chien van wissenk_ke in noortbeuelant Jn der kinder~ambocht van aernemuden Jnt zuutamb_ Jn alre ?ieren alst hem bewiist es na onsen boken van welken lande Martijn vorscr_ ons vol ende al betaelt heeft beede den ?sten pe_ninc ende den lesten Ende hem daer + of quite schelden Ende ghelouen vor ons ende vor onse nacomelinghen recht warent te wesene van desen vors_ lande Jn Orconden desen brieue So hebben wij willem abt ende tghemeene _uent desen brief bezeghelt met Onsen zeghele vuthanghende Dit was ghedaen Jnt Jaer ons he_en M˚ CCC˚ drie ende tneghentich vp Sinte lucas dach Ewangeliste