Corpus Van Reenen-Mulder (CRM14): Oorkonde I587r39311

Wy willem van + der does bi + der ghenaden gods abt van Onser vrouwen Cloost_e in middelb_ Ende tghemeene _uent van den vorseiden Cloostere doen Cond allen luden dat wi vercoft hebben vor ons En_ vor onse nacomelinghen om orbaer En_ p_fijt ons ghemeens Cloost_s vorsc_ Jonghe Jan Clais sone twee ghemeten En_ zesse en_ vichtich Roeden lands ligghende binnen der p_chien van gheerolfsdijc in noortbeuel_t in boudijns ambocht van + den vliete Jn alre manieren alst hem bewijst es na Onsen boken van welken lande Jonghe Jan vorscr_ ons bekende al betaelt heeft beede den Eersten pe_ninc En_ den lesten En_ hem daer of quite schelden En_ ghelouen vor ons En_ vor onse nacomelinghen Recht warent te wesene van desen vorseiden lande Jn Orconden desen brieue zo hebben wi willem abt En_ tghemeene _uent vorscreuen desen brief bezeghelt met onsen zeghele vuthangh_ dit was ghedaen Jnt Jaer ons he_en . M˚ . CCC˚ . drie en_ tneghentich vp Sinte lucas dach Ewangeliste