Corpus Van Reenen-Mulder (CRM14): Oorkonde I587r39313

Wij willem van der does bij der ghenaden gods Abt van Ons_ vrouwen cloostere in Middelb_ ende tghemeene _uent van den vors_ cloostere doen Cond allen luden dat wij hebben vercoft vor ons ende vor onse nacomelinghen om orbaer ende p_fiit ons ghemeens cloosters vorscr_ harnoud dankaerds sone viif ghemeten ende neghene ende tzestich roeden lands ligghende binnen binnen den ambochte van Coni_chem Ende een alf ghemet ende achtiend + alf roeden lands ligghende binnen der p_chien van gheerolfsdiic Jn alre manieren alst hem bewiist es na onsen boken van welken lande harnoud vorscr_ ons vol ende al betaelt heeft beede den eersten pe_ninc ende den lesten ende hem daer + of quite schelden Ende ghelouen vor ons ende vor onse nacomelinghen recht warent te wesene van desen vors_ lande Jn Orconden desen brieue So hebben wij willem abt ende tghemeene _uent vorscr_ desen brief bezeghelt met onsen zeghele vuthanghende dit was ghedaen Jnt iaer ons he_en M˚ CCC˚ drie ende tneghentich up Sinte lucas dach Ewangeliste