Corpus Van Reenen-Mulder (CRM14): Oorkonde I587r39314

Wij willem van der does bij der ghenaden gods Abt van Ons_ vrouwen cloostere in Middelb_ ende tghemeene _uent van den vors_ cloostere doen cond allen luden dat wij hebben vercoft vor ons ende vor onse nacomelinghen om orbaer ende p_fiit ons ghemeens cloosters vorscr_ ieter paerdeiaghere vierd + alf quartier lands ligghende binnen den ambochte van Coni_chem ende vier ghemeten ende neghene ende viertichstd + alf roeden lands ligghende binnen der p_chien van gheerolfsdiic in noortbeuelant Jn alre manieren alst hem bewiist es na onsen boken van welken lande pieter vorscr_ ons vol ende al betaelt heeft beede den eersten pe_ninc ende den lesten ende hem daer + of quite schelden Ende ghelouen vor ons ende vor onse nacomelinghen recht warent te wesene van desen vors_ lande Jn Orconden desen brieue So hebben wij willem abt ende tghemeene _uent vorscr_ desen brief bezeghelt met onsen zeghele vuthanghende dit was ghedaen Jnt iaer ons he_en M˚ ccc˚ drie ende tneghentich up sinte lucas dach Ewangeliste