Corpus Van Reenen-Mulder (CRM14): Oorkonde I587r39315

Wy willem van + der does bi + der ghenaden gods abt van Onser vrouwen Cloost_e in middelb_ En_ tghemeene _uent van + den vorseiden cloost_e doen Cond allen luden dat wi vercoft hebben vor ons Ende vor onse nacomelinghen om orbaer en_ p_fijt ons ghemeens cloost_s vorsc_ hughe willem husins sons sone drie ghemeten En_ een half quartier lands ligghende binnen der p_chien van Campe_ in willems ambocht van Campen in noortbeuel_t Jn alre manieren alst hem bewijst es na onsen boken van welken lande hughe vorscr_ ons vol en_ al betaelt heeft beede den Eersten pe_ning En_ den lesten En_ hem daer of quite Scelden En_ ghelouen vor ons En_ vor onse nacomelinghen Recht warent te wesene van desen vorseiden lande Jn orconden desen brieue zo hebben wi willem abt En_ tghemeene _uent vorscr_ desen brief bezeghelt met onsen zeghele vuthanghende Dit was ghedaen Jnt Jaer ons he_en . M˚ . CCC drie en_ Tneghentich vp Sinte lucas dach Ewangel_