Corpus Van Reenen-Mulder (CRM14): Oorkonde I587r39317

Wy willem van + der does bi + der ghenaden gods abt van onser vrouwen Cloost_e in middelb_ Ende Tghemeene van + den vorseide? ? doen cond allen luden dat wi vercoft hebben vor ons En_ vor onse nacomelinghen om orbaer En_ p_fijt ons ghemeens cloosters vorsc_ Rosaerd Jans sone Twee ghemeten vichtich Roeden min lands ligghende binnen der p_chien van Campen in noortbeuel_t in willems ambocht van Campen Jn alre manieren alst hem bewijst es na onsen boken van welken lande Rosaerd vorscr_ ons vol en_ al betaelt heeft beede den Eersten pe_ninc En_ den lesten En_ hem daer of quite schelden Ende ghelouen vor ons En_ vor onse nacomelinghen Recht warent te wesene van desen vorseiden lande Jn Orconden desen brieue zo hebben wi willem abt En_ tghemeene _uent vorscr_ desen brief bezeghelt met onsen zeghele Dit was ghedaen jnt jaer ons he_en . M˚ . CCC˚ . drie en_ tneghentich up Sinte lucas dach Ewangeliste