Corpus Van Reenen-Mulder (CRM14): Oorkonde I635r31401

jc maes hughemans sone scoutate in bochout_ ambocht ten tiden dat dese dinghe_ idaen waren wout_e wout_s sone piet_ poelin Ende jan gielis sone scepene_ in bochout_ ambocht . maken cont allen lieden . Dat vore hons quam jan de clerc en_ ghaf . in haelmoesenen broeder Symoene van barle van + d_ biloken seuen vierendel lands lettel meer jof . miin lighende in bochout_ ambocht an + de hoestzide honder hysuwiins clercs boengard jn or_tscepe van + den~welken dinhen Ebben wij scoutate en_ scepene_ vorseit dese lett_e beseghelt huuthangende met honsen zeghele_ jnt jaer ons heren als men scref M˚ ccc˚ en_ viertiene tsmaendaghes vore sinxhen - - -