Corpus Van Reenen-Mulder (CRM14): Oorkonde I640r31001

Het si cont en_ kenlic alle den ghenen die nu zijn en_ hier na wesen zullen / dat boide telin van boestenbliden heeft vercocht wel / en_ wettelike . viere ghemete lands / en_ een halft den her willeme van berlant capellane / en_ meegrieten Sheren breedbards docht_ was / dwelke land es gheleghen aldus / een ghemet in boids houc / en_ tuee ghemete in hilderics houc / drie virendeel in de prochie van boestenbliden en_ zunnemare vliet / dander drie vire_deel in die zuutmeed . van den welken lande de vorseide boide hem heeft ontheerft / en_ den h_ willeme capellane vorseit in gheheerft en_ hem en_ megriete_ vorseit / van welken coepe boide vornoemt kent dat hi v_golden es / ende wel betaelt . Vort so hebben d_ willem en_ meeg_et_ vornoe_t / tvorseider land ghegheue_ te eenen jaerliken cense den vorseiden boiden / omme zesse halster tarwen / binnen tuee peneghe_ de beste die coemt taxele ter marct te gheldene en_ te liuererne elcs jaers te ghent vp zinen cost / te tueen t_minen / deen elft te sent_ baef? messe / en_ dandre te half marte / also langhe als der wille_ en_ meeg_te leuen / of die lanxt leuen zal van hem beeden / waer oec dat dit core_ niet worde v_golden alsoet es vorseit / en_ deen t_min den andren achterhaelde / so soude d_ her willem en_ meeg_te / ofte die lanxt leuen zal / hare hande slaen ant vorseide land / ende haren wille d_ mede doen / en_ dese cens waer te nieute . En_ dit was ghedaen bi maninghen van den scouteete / en_ bi wijsdoeme van schepenen . Ende hier ou_ was als scouteete clais willems sone / En_ als schepene_ van axele / boidijn bruland / mychiel detgheer / godeuert crane / en_ piet_ dikenade . Ende wi schepen vorseit bi beden / en_ versoeke van beeden parthien hebben wi deesen tsartre huuthanghende ghezeghelt metter port zeghele van axele / in kenlicheden van wareeden . Dit was ghedaen int jaer ons h_en . duzentich drie hondert . + en_ thiene / tsondaechs na inganghende marte - - -