Corpus Van Reenen-Mulder (CRM14): Oorkonde I640r31901

Het si cont ende kenlijc allen den ghene_ die dese lettre_ zullen sien en_ hore_ lesen Dat Jc hughe Jacops sone ghesont van Miere redene_ En_ wel bedocht van minen zinne_ / ordinere bi rade van goeden lieden Minen vterste_ wille omme die zalechede va_ miere ziele_ Teerst so gheuic piet_ mine_ broeder een ghemet lants en_ zessetiene roede_ ligghe_de voer sine hofstede . En_ vijftich roeden lants ligghende bachte_ siere hofstede_ . Ende daer bi so willic dat hi doe ene pelgrimagie of doe doen sinen sone te mijns heren zente jacops in galissien . En_ ene tonser vrouwe_ tote aken . En_ ene te zente joes en_ ene tonser vrouwe_ tote erdenborch . voert so gheuic hem een alf ghemet lants ligghe_de voer ene_ ofganc daer of willic dat hi gheue den heleghen gheest Jn boestenblide_ vier scellinghe parisise ewelike staende tsiaers . Mijn jaerghetide mede te doene En_ mijns vader en_ miere moeder En_ Mijns broeder met tvaelf kersen en_ met tvaelf pe_ninghe_ parisisen / elkes jaers / Ende al tander lant dat jc hebbe in die prochie va_ boestenblide_ dat willic dat bliue mine_ wetteliken oere Ende voert alt lant dat mi hier bouen bliuet so waer dat gheleghen es eist in zaemslacht ofte in andre_ steden En_ al die haue En_ al die scult die men mi sculdich es ofte sculdich sal bliue_ ten ende va_ mine_ liue Dat so gheuic in purre aelmoesene_ ouer mine ziele / Miere vrouwe_ der abedessen En_ den couente va_ der byloke_ ende den hospitale va_ der zeluer stede / En_ hier bi so sal mijn vrouwe die abedesse ende couent voerseit ghelde_ al mine scult mine wtvaert En_ mijn testament ghelijc dat jct bewiset hebbe / Ende omme~dat jc hughe voerseit wille dat alle dese dinghe voerseit bliue_ ewelike goet vast En_ ghestade En_ mijn vterste wille voert~ga / So hebbe ic ghebede_ / Den h_e janne gielis boudins soens sone prochipape in zaemslacht . Den h_e heinric neuen capellaen i_ zaemslacht Ende Den h_e janne brechte capellaen i_ die byloke dat si dese lettre_ zeghele_ met hare_ zeghele_ wthanghe_de / En_ wi Jan prochipape . heinric En_ jan capellane voerseit bi beden en_ bi v_souke hughes voerseit hebbe_ dese lettre_ ghezeghelt me_ @ onse_ zeghele_ wtha_ghende i_ kenlijchede_ der waerhede_ . Dit was ghedaen jnt jaer ons here_ als me_ screef Dertiene hondert en_ neghe_tiene maendaghes voer zente valentijns dach - -