Corpus Van Reenen-Mulder (CRM14): Oorkonde I640r32301

Het si cont Ende kenlijc allen den ghenen die dese lettren zullen zien Ende hore_ lesen Dat jc jan jan zouwouds sone En_ auezoete Mijn wijf met hare_ wettelike_ voghet / hebben v_cocht Miere vrouwe_ der abedessen en_ den couente va_ der byloken Tvintich scellinghe tsiaers Erueliker renten Ene_ houde_ coni_cs grote_ tornoeisen ou_ tvaelf penni_ghe of die waerde daer of in andren paymente . Te gheldene elkes jaers Ervelike te zente bamesse joncvrouwe_ gheertrude_ ser clays willebards docht_ Ser diederics dorpers wijf was jaerghetide mede te doene jn die byloke elkes jaers vp den vijften dach va_ maerte . omme Ene summe van ghelde die si ons wel hebben v_golden in goeden gherede_ ghelde + / En_ dese Tvintich scellinghe tsiars voerseit So hebben wi jan Ende auezete Mijn wijf voerseit bezet ende bewiset ouer ons en_ ouer die ghene die na ons comen zullen . Ewelike Miere vrouwen der abedessen En_ hare_ couente voerseit vp tvee ghemette lants lettel min ofte me ligghende in die prochie van axele in diuerse_ steden dat es te wetene een ghemet daer wi vp wonen . Een alf ghemet an die noert~side daer wi wonen . Neghentich roeden bachten daer wi wone_ neuens der byloken lant En_ een vierendeel ligghe_de bachten laurens alijns woninghe_ . En_ daer vore_ so binde_ wi dit voerseide lant te Eweliken daghen / En_ ware oec dat sake dat wi dese voerseide rente niet wel ne golden elkes jaers of die ghene die vp dit voerseide lant na ons comen zullen / En_ die een pacht den andre_ achter~volghede so mochte Mijn vrouwe die abedesse En_ hare couent voerseit hare hande slaen an dat voerseide lant te haerre kerken bouf En_ doen daer mede hare_ vrien wille als met hare_ heghine_ goede sonder me daer toe te doene . Ende omme~dat wi Jan En_ auezoete Mijn wijf met hare_ wettelike_ voghet voerseit wille_ dat dese dinghe bliue_ Ewelike goet vast En_ ghestade . So bidden wi Ene_ Edelen h_e En_ ene_ w_den Minen h_e van axele . Den h_e woutre_ prochipape van axele . Den h_e diederike den ionghe_ capellaen in den hospitael van axele / En_ den h_e jacoppe den jonghen capellaen te axele / Dat si dese lettre_ zeghele_ met hare_ zeghelen wtanghende / Ende wi philips van axele ruddere . wout_e prochipape van axele Diederic . En_ jacop capellane voerseit . bi beiden En_ bi v_souke Jans En_ auezoete_ sijns wijfs met haren wetteliken voghet voerseit / hebben dese lettre_ ghezeghelt met onsen zeghelen wtanghe_de Jn kenlijchede_ en_ in vasthede_ der waerheden . . Dit was ghedaen jnt jaer ons here_ als men screef Dertiene hondert En_ drie en_ tvintich donresdaghes na zente baues dach - - - -