Corpus Van Reenen-Mulder (CRM14): Oorkonde I640r33102

Het si cont en_ kenliic allen den ghenen die dese lettren zullen zieen ofte horen lesen Dat diederic loet heuet ghegheuen den hospitale van der byloken in aelmossen ouer zine ziele en_ ziere kinders een ghemet en_ viu + en + tseuentich roeden lants lighende in die prochye van adendijc dat es te + wetene boesten an willem pieters zoens lant dat men heet pieters warfth en_ dit voerseide lant droech diederic voers_ vp heinrike ar_s zoene spetaels boef met alme en_ met stro en_ warps hem en_ deets hem buten ten eweliken daghen en_ belouede vp hem en_ vp tsine den hospitael te houdene vp dit voerseide lant en_ te + warendeerne jeghen elken mensce te_ eweliken daghen Ende om~dat alle dese voerseide dinche zullen bliue_ goet vast en_ ghestade so hebben wi diederic en_ heinric voers_ ghebeden narestelike goeden waerde_ lieden den h_e woutre_ prochypape van adendiic will_m piet_s zoene boudine valke en_ janne will_ms zoene dat si hare zeghele hanchen an dese lettre_ in kenliicheden van wareden en_ om die bede en_ om tforsouc van beden paertien voers_ so hebben wi wout_e will_m boudiin en_ jan dese lettre_ ghezeghelt met onsen zeghelen vtehanchende in orconscepe van wareden Dit was ghedaen int jaer van gracien als men screef dusentich drie + hondert en_ drie + en + dertich saterdaghes voer ingaende marte