Corpus Van Reenen-Mulder (CRM14): Oorkonde I640r33302

Het si cont en_ kenliic allen den ghene_ die dese lettren zullen zieen of horen lesen Dat jc everdey die wint hebbe ghewisselt ende ghegheuen mire vrouwen der abdessen van der byloken ende den couent van der zeluer stede zeuen vierendeel ende acht + en + dertich roeden lants lighende in die prochye van boestenblide dat es te + wetene in rekenaers dorp boesten an die strate tusscen . auesoete_ jans rekenaers of een zide ende lammiins lant vte_ moerdike of and_ zide twelke lant jc everdey voerseid ghecreghen hebbe jeghen everdeye den rekenare om ander + half ghemet hondert ende vieertich roeden lants ofte also uele lants als miin vrouwe ende tcouent voerseid daer sculdich waren te hebbene lighende in die prochye van zaemslacht dat es te wetene . bezuden daer jc everdey voerseid wone . een ghemet ende zess + en vieertich roeden lants ende daer bi westwaert an willem heinrix zoens lant twe hondert ende viere en_ vieertich roeden lants Ende jc everdey voerseid beloue mire vrouwe_ der abdessen ende den couente voerseid te houdene vp dit voerseide lant ten eweliken daghen ende wissel . wissel te + warendeerne gheliic dat wissel sculdich es te doene Ende om~dat alle dese voerseide dinche zullen bliue_ goet vast ende wel + ghehouden so hebbic everdey voerseid dese lettren ghezeghelt met minen zeghele vte~hanchende in kenliicheden van wareden ende hebbe ghebeden narestelike goeden waerden lieden den here janne prochypape van zaemslacht den here willemme van den more capellaen in zaems_ ende willemme den blaken dat si hare zeghele hanchen an dese lettre_ met~gaders den minen in orconscepe van wareden en_ om die bede ende om tforsouc van everdeye voerseid so hebben wi jan willem en_ willem dese lettren ghezeghelt met onsen zeghelen vte~hanchende Djt was ghedaen jnt jaer van gracien als men screef dusentich drie hondert ende drie en_ dertich woensdaghes na ingaende aprille / / /