Corpus Van Reenen-Mulder (CRM14): Oorkonde I640r33303

Het si cont en_ kenliic allen de_ ghene_ die dese lettre_ zullen zieen of hore_ lesen Dat jc katerine va_ der weden famulieriche in die byloke sette en_ gheue bi den wille van mire vrouwe_ . vi _ parisize te jaerghetide_ mede te doen in den hospitael va_ der byloken te peta_sien den haermen mede te visiteerne diere lighen in + den tide_ almensen doen zal ou_ mine ziele en_ mire vorders te doene te . xii . t_minen van den jare dat es te v_stane vp . vi . zondaghe in die vastine vp elken zondach met . x . s_ . paris_ . Ende vp sente piet_s en_ sente pauels dach met . x s_ paris_ Ende vp sente amelb_ghen dach met . x . s_ paris_ Ende vp onser vrouwe_ dach te half houste met . x . s_ paris_ Ende vp sente mich_s dach met . x . s_ paris_ Ende vp sente katerinen dach met . x . s_ paris_ Ende vp ons_ vrouwe_ dach lichtmesse met . x s_ paris_ Ende dese voerseide t_mine beghar + ic kater_ voers_ en_ bede dat ghehouden worde_ en_ wel + ghedaen gheliic dat si gheordineert siin en_ gheset ewelike ghedurende Ende dese voers_ . vi . _ paris_ siin versekert en_ wel beset vp . _ + _ . + M . + C . + xl . roede_ lants lighende in hontenesse dat es te wetene in den houden diic voer dat hec bachte_ jan deyen zoens . i . + M . + xviii . roeden en_ in + den noertdiic dat men heet hoec in die hofstede in den hoec van der strate_ en_ noertwart . CC lxxiii . roede_ lants Ende in adendiic vp . _ + _ . + M . + vii . roede_ la_ts lighende in p?rtselen dat es te wetene bi der moelne_ van ketendamme beweste_ an will_m piet_s zoens lande dat men heet piet_s warf . i . + M . + lxxv . roede_ en_ bezuden den scure houe vp die gracht lopende tot_ strate_ . i . + M . + xxvii . roede_ Ende in grote~coppiic voer jan te_merma_s te hoestende van wilfaerts lande . _ . + xxviii . roeden Ende jc kater_ voers_ versouke en_ bidde narestelike an mire vrouwe_ abedessen van der byloken en_ an tcouent va_ der zeluer stede en_ an die ghene die na hem comen zullen dat si doen dese voers_ jaerghetiden en_ petansien gheliic dat es voers_ Ende wi zust_ Magriete ghehete_ abedesse en_ tcouent va_ + der byloken gheue_ en_ consenteren joncvrouwe_ kater_ voers_ en_ brod_ piet_e lewekine dese voers_ haruachtichede te hare beder liue of des + gheens die lanchst leue_ zal van hem beden die rente tontfane en_ te behoudene te hare beder noet . Ende na haer~lieder beder doet zullen wj doen narestelike en_ ghetrouwelike gheliic dat es voerseid Ende om~dat alle dese voers_ dinche zullen bliue_ goet vaste zeker en_ wel ghehouden so hebben wi zust_ Magriete abedesse en_ tcouent voers_ dese lettre_ ghezeghelt met onsen zeghele vte~hanchende in kenliicheden van warenden Dit was ghedaen jnt jaer va_ gracien als men screef dusentich drie + hondert en_ drie en_ dertich sondaghes voer sente marien madalenen dach - - - -