Corpus Van Reenen-Mulder (CRM14): Oorkonde I640r33401

Het si cont ende kenliic allen den ghene_ die dese lettre_ zullen zieen of horen lesen Dat wi zuster Magriete-e gheheten abdesse en_ tcouent van der byloken hebben ontfaen van den here justaesse s_ andries zoene en_ van katerine_ sgort_s ene somme va_ ghelde en_ dat ghelt hebben doen leghen an lant tonsen profite dat es te wetene in adendiic an twe ghemete lants ghecreghe_ jeghe_ b_tolomeuse daniels zoene en_ an een ghemet jeghen jan den bus_e en_ in boestenblide an drie ghemete twe + hondert ende vier + en + tachtich roede_ lants ghecreghe_ jeghen claise apere en_ an een half ghemet jeghe_ will_m culle en_ ysine jan ghelen zoens zoene . van den welken lande wi abedesse en_ tcouent voerseid hebben ghegheue_ en_ gheue_ ouer ons en_ ou_ die na ons comen zullen den h_e justaesse en_ kater_ voers_ zesse pont parisize elkes jaers te hare beder liue of tesgheens liue die lanchst leuen zal van hem beden dat hi hebben zal dese voers_ zesse pont paris_ gheheel te gheldene elkes jaers te kersauonde en_ als die h_e justaes en_ katerine voers_ ziin ghegaen va_ liue ter doet dan zal tcouent en_ die kerke van der byloken ebben en_ behoude dese voers_ zess po_t paris_ te eweliken daghen jn kenliicheden van desen dinchen voers_ so hebbe_ wi Magriete ghehete abdesse en_ tcouent voers_ dese lettre_ ghezeghelt met onsen zeghele vtehanchende in vastheden van wareden Djt was ghedaen jnt jaer ons h_en als men screef dusentich drie + hondert ende vier + en + dertich vp den hachtersten dach van huutgaende Marte / / -