Corpus Van Reenen-Mulder (CRM14): Oorkonde I640r33601

Het si cont en_ kenliic allen de_ ghene_ die dese lettre_ zullen zieen of hore_ lesen Dat wi zust_ Magriete ghehete_ abedesse en_ tcouent van der byloken hebben ontfaen van joncvrouwe_ lisebette en_ va_ joncvrouwe_ katerine_ va_ wlputte ser + ghiselberchts kinder van wlputte ware_ ene somme va_ ghelde en_ dat ghelt hebben doen leghen an lant ten profite van onsen hospitale lighende in + die prochye van boestenblide en_ va_ adendiic Ende wi zuster Magriete abedesse en_ tcouent voerseid gheuen en_ hebben ghegheuen va_ desen voers_ lande den voerseiden joncvrouwen lisebetten en_ joncvrouwe_ katerine_ twalef pont parisize dat es te wetene enen coninchs grote_ tornoysen ouer twalef pene of die waerde in andren paymente_ daer na volghende elkes jaers te hare beder liue of tesgheens liue die la_chs leue_ zal va_ hem beden dat so hebbe_ zal dese voers_ twalef pont paris_ te hare_ liue gheheel te gheldene elkes jaers die een helft te sente bamesse en_ die and_ helft te half Marte daer naest comende en_ also van jare te jare also lanche als joncvrouwe lisebette en_ joncvrouwe katerine voers_ leuen zullen of die lanchst leue_ zal va_ hem beden Ende altoes te hebbene an onse borsieriche of an onse rentiers wel en_ sufficiantelike ten t_mine_ voers_ te gheldene den voers_ joncvrouwe_ ofte haren zekeren boden Ende als joncvrouwe lisebette en_ joncvrouwe katerine voers_ ziin gheghaen van liue t_ doet dan willen si dat die hospitael van der byloken hebben dese voers_ twalef pont paris_ van den voers_ lande te liinwade die zieke jn te leghene en_ nemm_me te bestadene dese voers_ twalef pont paris_ tandre_ dinghen dan te liinwade gheliic dat es gheseit Ende wi zust_ Magriete abedesse en_ tcouent voers_ beloue_ vp tonse ou_ ons en_ ou_ die na ons comen zullen alle dese voers_ dinche wel en_ narestelike te houdene en_ te doen houdene en eweliken daghen jn kenliicheden van allen desen dinghen voers_ so hebben wi zuster Magriete abedesse en_ tcouent voers_ dese lettre_ ghezeghelt met onsen zeghelen vte~hanchende in orconscape en_ in vastheden va_ wareden Djt was ghedaen jnt jaer ons heren als men screef dusentich drie + hondert en_ zess + en + dertich Maendaghes na sente pauels dach -