Corpus Van Reenen-Mulder (CRM14): Oorkonde I640r33602

Wj zuster Magriete abdesse van der byloke_ en_ tcouent ghemelike @ va_ d_ zeluer stede doen te wetene alle_ de_ ghene_ die dese lettre_ zulle_ zieen of hore_ lesen Dat wi hebben ontfaen va_ ver + marien dappers jn puerre aelmossen ene somme va_ ghelde twelke ghelt wi abdesse en_ tcouent voers_ hebben doen leghen jn adendiic an twintich scele paris_ rente_ ghecocht jeghen bertolomeus daniels zoene en_ an zest + alf vierendel lants ghecocht jeghen jan den coytere en_ jn will_mskerke an twe hondert roede_ ghecocht jeghen jan marine_ zoene va_ der welker rente_ en_ lande wi abdesse en_ tcouent voers_ beloue_ te gheuene elkes jaers v_ + marien voers_ also lanche als so leuen zal drie pont paris_ elkes jaers te gheldene binnen meye en_ waer dat zake dat katerine hare dochter lancher leuede dan v_ + marie voers_ so zoude katerine hebben dese drie pont paris_ elkes jaers te hare_ liue en_ als v_ + marie en_ katerine hare dochter voers_ bede ziin gheghaen va_ liue ter doet dan zal hebben tcouent va_ der byloken dese voers_ drie pont paris_ te petancien ten drien jaerghetiden ouer ver + marien en_ ou_ jan dapp_e en_ ou_ will_mme zine_ broder ouer hare zielen en_ al hare vorders ewelike ghedurende te doene gheliic dat men ordineren zal na die doet va_ hem beden En_ dit belouen wi Magriete abdesse en_ tcouent voerseid ouer ons en_ ouer die na ons comen zullen wel en_ narestelike te houdene en_ te doen houdene ten eweliken daghen jn kenliicheden va_ allen desen dinghen voerseid so hebben wi Magriete abdesse en_ tcouent voers_ dese lettre_ ghezeghelt met onsen zeghelen vte~hanchende in orconscepe en_ in vastheden van wareden Dit was ghedaen jnt jaer ons heren als men screef dusentich drie + hondert en_ zess + en + dertich Maendaghes voer sente valentiins dach