Corpus Van Reenen-Mulder (CRM14): Oorkonde I640r33801

Het si cont en_ kenliic allen den ghene_ die dese lettren zullen zieen ofte horen lesen Dat wi voers_ r Magriete abbedesse van der byloken en_ tcouent van der zeluer stede hebben ontfaen van jan den temmerman ene somme van ghelde in puerre aelmossen twelke ghelt wi abbedesse en_ tcouent voers_ hebben beleet en_ bestaet an lant lighende in die prochye van zaemslacht benoerden heinrix van hameloe nevens w_ll_m heinrix zoens kinder lant en_ lopende an der byloken lant een ghemet en_ neghentich roeden . en_ in adendiic bezuden boudiin valx bezuden an der byloken lant dat was ghecocht jeghen boudiin valken een ghemet lants en_ in boestenblide bachten clais apers boesten an der byloken lant dat ghecocht was jeghen claise apere een half ghemet en_ voer hug_ willarts ou_ die strate bezuden der tieende~strate_ in den hoec van der strate_ een ghemet en_ tiene roeden en_ benoerden euerdey l?rken kinder dat met heet gheten wisselarts lanche meet ander + half ghemet en_ drie + en + vichtich roeden lant van den welken lande wi abbedesse en_ tcouent voerseid zullen gheuen katerine_ van lokere en_ katerine_ va_ houtehem viere pont parisize sjaers te haren lie dat es te wetene elker katerine_ jan temmermans dochtere_ vieerticht scele paris_ of den ghene_ die lanst leuen zal va_ hem beden viere pont paris_ te gheldene te kersauonde . en_ drie scele paris_ den papen ten (onleesbaar) jaerghetide die jan temm_mans wiif was vp den dach van hare doet en_ drie scele paris_ den papen te jans temm_mans jaerghetide vp den dach van zire doet en_ die pape_ zullen zinghen vighelien en_ messe telken jaerghetide en_ als katerine va_ lokere en_ katerine va_ houthem jan temm_mans dochtere ziin bede gheghaen van liue ter doet dan zal hebben tcouent va_ der byloken elkes jaers vp dach van der achterster doet vieertich scele paris_ te petancien en_ die meesterriche van den hospitale vieertich scele paris_ ter haermar boef van den hospitale en_ wi abbedesse en_ tcouent voers_ beloue_ alle dese voers_ dinche wel en_ sufficiiantelike ouer ons en_ ou_ die na ons comen zullen te houdene en_ en_ doen houdene te_ heweliken daghen jn kenliic va_ desen dinchen voers_ so hebben wi abbedesse en_ tcouent dese lettre_ ghezeghelt met onsen zeghelen vte~hanchende in kenliicheden en_ in orconscepe va_ wareden Dit was ghedaen jnt jaer ons here_ als men screef dusentich drie + hondert en_ acht + en + dertich donresdaghes na onser vrouwen dach lichmesse -