Corpus Van Reenen-Mulder (CRM14): Oorkonde I640r33802

Het si cont en_ kenliic allen den ghenen die dese lettren zullen zieen of horen lesen Dat wi zuster Magriete gheheten abdesse van der byloken en_ tcouent van der zeluer stede hebben ontfaen in pure aelmossen van lanbrechte makereele en_ van Mabelien zine_ wiue ene somme van ghelde . ende dat ghelt hebben wi abdesse en_ tcouent voerseid bestaet en_ doen beleghen tspetaels boef va_ der byloken den zieken te liinwade an neghene ghemete en_ vichtich roeden lants lighende in hassene hanbacht in die prochye van vraendiic dat es te + wetene vp bomede voer pieter beatricen zoens vp die gracht al tenen sticke ende wi abdesse en_ tcouent gheuen dit voerseide lant lanbrechte en_ Mabelien voers_ te notene en_ te plotene ofte verhuerne te haren meesten profite te hare beder liue of tes + gheens die lanchts leue_ zal van hem beden en_ als lanbrecht en_ Mabelie bede ziin ghaen va_ liue ter doet zal die hospitael van d_ byloken hebben dit voers_ lant te liinwade ghelijc dat es gheordineert jn kenliicheden van desen dinchen voers_ so hebben wi abdesse en_ tcouent voers_ dese lettren ghezeghelt met onsen zeghele vtehanchende in orconscepe van wareden DJt was ghedaen jnt jaer ons heren als men screef dusentich drie + hondert en_ acht + en + dertich donresdaghes na in~ghaende houst