Corpus Van Reenen-Mulder (CRM14): Oorkonde I661r31601

Allen Den Ghene_ die dese lettren zullen zien Of horen lesen . Jan masire . Jan vte_ dale En_ jacob s_ ghiselins sone scepene_ van hassneder ambacht . En_ Jacob bortiin scoutete Jnt zelue ambacht te dien tiden Doen te wetene En_ Maken kenlic Dat vore ons quam jan hoekin En_ v_lyede dat hi hadde v_cocht wel en_ wettelike janne van zelsate port_e in biruliet Tue ghemete en_ vire roeden lands ligghende jn tueen sticken dat es te wetene . vore hughe coffeins dore jn jan willards reep een ghemet vire en_ tuintech roede_ min . En_ daer bi . een ghemet en_ hachte en_ tuintech roede_ neuens graue_~strate en_ neuens dlant dat was bertsin moenins Om Ene zek_e somme va_ penghe_ va_ welke_ pe_ghen jan hoekin vorseit hem hilt wel ghepayt En_ v_lyede vore ons dat he_ ware wel en_ wettelike al vergolde_ vort ghelouede vore ons jan hoekin vorseit de_ vorseide_ janne va_ zelsate scadeloes te houdene vp dit vorseide lant jeghe_ elke_ p_soen diet becalengire_ wilde En_ dede dar toe vore ons jan hoekin vorseit al dat hi sculdech was te doene na de wet En_ costume va_ hasssneder ambacht als he_ te onteruene van desen vorseide_ lande . En_ janne van zelsate vor_ daer in te Eruene En_ om~dat dese vorwarde sal bliue_ goet . vast . Ghestade En_ hewelike wel ghehoude_ . So hebbe_ wi scepene_ Ende scoutete vorseit dese lettren ghezeghelt met onsen p_pre_ zeglen huuthanghende Jn kenlicheide_ der wareiden bi beide_ Ende versoeke van beeden p_tyen Dit was ghedaen Jnt Jaer ons h_en als me_ screef xiij + C + . Ende zestiene . Donresdaghes vore alf + meye