Corpus Van Reenen-Mulder (CRM14): Oorkonde I661r33301

Allen den ghenen die dese lett_en zullen zien of horen lesen wout_ brecht wout_ roel piet_ Ser gosins zone scepenen van hassnede ambocht en_ jacop bortin scoutete jnt zelue a_bocht te dien tiden Doen te wetene en_ maken kenlijc Dat uore ons quam piet_ prijsbier en_ v_lyede dat hij hadde vercocht wel en_ wettelike . gosine den costere meest_ in zente jacops huus in ghen upt nyewe lant te zente jacops huus boef Twee ghemete en_ vire roede_ lands ligghede in tween sticke_ . dat es te weten uore hughe ?feins dore jn jan willaerds reep een ghem_ vir + e_ + twinticht roeden min . En_ daer bij een ghem_ en_ hacht + en + twintich roeden neuens sgrauestrate_ en_ neuens tlant dat was borsin moenins . o_me eene zekere su_me van penninghen van welke_ pe_ghen piet_ uorseit en_ jonfrouwe machtilt zijn wetteliic wijf hem holden wel ghepait En_ verliden uore ons dat hem ware wel en_ wettelike al uergolden vort ghelouede uore ons piet_ en_ ionfrouwe machtielt uors_ den vorseiden gosine scadeloes te houdene up dit uorseide lant jeghen elke_ p_soen diet becalengieren mochte En_ dede_ daer toe vore ons piet_ en_ ionfrouwe machtilt uors_ al dat zij sculdich ware_ te doene na die wet en_ costume van hassneder ambocht als hemlieden tonaruene van desen uorseiden lande . En_ gosine uors_ daer in taruene . En_ o_me dese worwaerde zal bliuen got wel ghehouden So hebben wij scepene_ en_ scoutete uors_ dese lettre_ ghezeghelt met onsen propre_ zeghelen huut~hanghede jn kenlijcheden der wareden . bij beden en_ bij uersouke van beeden p_tien Dit was ghedaen jnt jaer ons heren als men screef dusentich drie hondert drie en_ dertich donredaghes na zente anderies dach