Corpus Van Reenen-Mulder (CRM14): Oorkonde I741r32201

(onleesbaar) (onleesbaar) (onleesbaar) Dat wij arnoud van den zwerdekine / en_ jan (onleesbaar) (onleesbaar) (onleesbaar) dom van dornike alsoe men van ghent te bieruliet vutwart (onleesbaar) (onleesbaar) (onleesbaar) bi consente van onsen gesellen gouuerneres van den selue_ huus / Den her j? (onleesbaar) (onleesbaar) (onleesbaar) eens jaers de veste dure ghinc En_ sest + alf scellinc parisise siars die tforseide huus adde dar naest (onleesbaar) (onleesbaar) (onleesbaar) ?ofstede daer gillis bursijn vp woent Omme achtien sceleghe ?n der conincs groeter tornoise die hi ons wel en_ soffisantelike galt en_ teliuererde jn goeden en_ jn ghereeden paymente en_ wel ghetelt En_ die wij in groeten nutscepe ende profite van den vorseiden huus hebben gheconforteert en_ gheleit in groeter noet En_ wij ebben ghelouet en_ gelouen jn den Name van den huus vorseid ouer ons / en_ ouer die na ons comen sullen gouuerneres jn de selue stede den her janne vten houe vorseid en_ sinen hoyre te warandeerne den vorseiden coep En_ ebben gedaen dat wij sculdech sijn te doene . o_me den her janne der jn te ervene / en_ tforseide huus tontheruene . En_ wij jacop borluut / Euerard mont / jan van landeghem / Symoen vercelien / jan pittin / segere de vos / jacop van den hoyarde / jacop waelkin / heinric van den moere / jan wittebart / jan maben + zone / jan martin / pieter van den vaenkine / jan de smet / En_ jan van lane Gouuerneres van den vorseiden huus Consenteren en_ ottroijeren ouer thuus vorseid den coep die arnoud van den zwerdekine / en_ jan scotte onse gesellen hebben vercocht her janne vten houe also vorseit es / en_ kenn? dat de vorseide achtien scele groete sijn bekert jn de nutscepe van den vorseiden huus En_ ghelouen arnoude van den swerdekine / en_ jan scotten vorseid te houdene ?steloes en_ scadeloes van den vorseiden coepe dien si vercocht hebben / En_ o_me~dat wij gouuerneres vornou_t willen dat dese coep bliue vast se? en_ ghestade teuweliken daghen en_ wel gehouden van ons en_ van allen dien ghenen die na ons co_men sullen / so ebbe? ?ij den ?menen zegel van sente jacops huse vorseid ghehangen an desen jegenwordeghen chartre Dit was ghed? ? jaer ons heeren als men screef . M˚ . + CCC˚ . + ende twe ende twintech jn sente andries daghe - -