Corpus Van Reenen-Mulder (CRM14): Oorkonde I741r33002

Wij gillis de muer bailliu ende wettelic maenre jans van den abeele van sine_ heerscepe van gonteroden ende melle met dat daer toe + behoort Ten tiiden doe dese dinghen ware_ ghedaen michiel roes gillis caduwale lieuin minaert justaes van der brugghen cornelis de jonche_e lieuin van den breucke lieuin van den berghe scepen_ jans van den abeele vors_ ter seluer stede Ende ter seluer vorn_ tiid doen te wetene en_ maken cont ende kenlic allen den ghene_ die desen presenten wetteliken tsaerter sullen sien of ho_en lesen dat co_men sijn voor ons jn propren p_sone als voor he_e ende voor wette goessijn brunneel ende joncfrouwe kateline ser + sanders siin wettelic wiif de~welke te harer begherten wettelic bi ons te vooghde ghedaen was met eene_ bistaenden vooght naer den costumen alsoet behoorde kenden en_ lijden metgad_s haren vooght voor ons jn wette dat sij hebben v_cocht wel ende redelic ghewette va_ leyns de heelt van viere pond paris_ siaers eeuweliker Ende erfliker renten Te betaelne gheel te kerssauonde waer + af deerste paeyment vallen sal den eersten kerssauonde jnt jaer viertienhondert en_ dertich Ende also voort van jaere te jaere eeuwelic ende erflic duerende altoes met sulken ghelde als + men ghemeenlike Erflike rente betalen sal telken daghe van paeymente binnen den lande van vlaend_en E_me_ viertiennacht lanc naer elken t_miin ombegrepen o_me v_ghelt te doene van elken ghewoene_ paeymente desen coop es ghedaen o_me eene zek_e so_me van ghelde van welken ghelde hem de vors_ goessiin en_ joncfrouwe kateline siin wiif metgad_s hare_ vooght kenden siinde wel betaelt ende al v_golden van ghewette van leyns vorn_t en_ hebber + hem af quiit ghescolden nv ende teeuweliken daghen welke vors_ twee pond parsiise erfliker renten Ende alle den voorwaerden die jn desen wetteliken tsaerter begrepen siin de vors_ goessiin brunnel en_ joncfrouwe kateline ser + sanders siin wettelic wiif metgad_s haren vooght hebben beede eendrachtelic wettelic besedt v_sekert gheassingneert ende bewijst vp een stede gheleghen totter recht jn + de prochie toebehoorende jacop van wateneys also sii ghestaen ende gheleghen es een half buu_re ende tuintich roeden groet lettel min of meer ombegrepen met xii ? (onleesbaar) onder + half hoen vutghaende she_en renten janne van den abeele vorn_t ende sulken co_mer alsser jaerlicx vutgaet van welker vors_ eruachticheden ware_ ghedaen drie wettelike sondaeghs kercghebode die men sculdich was te doene Ende also men + se sculdich was te doene die vry en_ suue_ leden Onghecalengiert van yemene ende die de vors_ goessiin brunnel en_ joncfrouwe kateline ser + sanders siin wettelic wiif metgad_s haren vooght an hemlieden droughen doe so quam de vors_ goessiin brunnel en_ joncfrouwe kateline siin wiif metgad_s haren vooght ende waren van den twee pond parsiisen Erflic wel ende wettelic onthuut onterft ende ontgoedt ende de vorn_t ghewet van leyns was jn + de selue twee pond parsiise wel ende wettelic v_gheft gheerft ende ghegoedt als jn siin vry proper goed ende Erflike rente jn deser mani_en gheuielt jn eenich jaer dat vertiennach ou_lede ende de vors_ ghewet van leyns of siin hoijr ende narco_m__en niet al vul + betaelt ende vernouch en waren van d?n gheualne_ paeymente van Si_e vors_ erfliker renten van elken daghe so Soude hii of siin hoyr ende naerco_mere_ ofte de bringher van dese tsaerter moghen co_men voor h_e ende voor wet daer den vors_ pande te wette behoort ende toeghen siin ghebrec dies hii gheloeft moeste siin met desen wetteliken tsaerter Ende dan soudene de he_e ende wet doen te sine_ vorn_ wetteliken pande ende bewiis met al dien datt_ vp siin soude ertvast ende nagheluast o_me hem en_ siin hoyr ende naerco_meren den selue_ pand zeker Ende bewiis met allen sine_ toebehoorten te hebbene te behoudene ende paysiuel te ghebrukene als haerlied_ proper Erflic goed teeuweliken daghen sond_ eenich (onleesbaar) Of wed_segghen van yemene e_mere alle de wettelike dac? die toebeho_en souden vore_ daer vp ghehouden sijnde naer recht wet Costume ende vsage van den vors_ heerscepe altoes behouden she_en adelincx en_ elcx recht ende alle dese vors_ dinghen ende elc point sond_linghe voren ghedaen Ende vuldaen wel wettelic ende al wettelic also + men + se sculdich was te doene met allen den maninghen vonnnessen ende wettelicheden die_ toebehoerde_ ghedaen te + sine naer recht wet costume ende vsage van den vors_ heerscepe daer bi dat sii sculdic siin stede te houde goed gherechtich ende wel van werdden te + sine ende te bliuene teeuweliken daghen ghelijc ende jn ald_ mani_en dat sii voren ghescreuen staen jn orcontscepe ende kennessen d_ waerheden so hebben wii bailliu ende scepen_ bouen ghenoemt ons alle dese vors_ dinghen wettelic kenlic siinde ter bede Ende neerensten v_soucke van partien an allen ziiden desen presenten wetteliken tsaerter gheseghelt elc vor onslieden sonderlinghe met sine_ zeghele vuthanghende dit was al wettelic ghedaen den sestiensten dach jn oeste jnt jaer ons + he_en als men scref dusentich drie + hondert en_ derttich