Corpus Van Reenen-Mulder (CRM14): Oorkonde I741r36001

Wij landscepenen van velzeke doen te wetene allen lieden Dat vore ons co_men es in propren persone Jan te_mer Jans te_mers sone was . ende heeft verkent en_ (onleesbaar) dat hij heeft vercocht wel ende wetteleken lauwereinsse van langhhackere portre in ghend / drie ponde parisise tsiaers erfeleken durende o_me eene zekere so_me van ghelde daer af dat hem jan te_mer vors_ kent wel betaelt en_ al vergolden van lauwereinsse voernoemt / te gheldene dese vors_ erfelike rente eewelic durende tel? sente marien lichtmesse en_ onbegrepen binne_ viertien nachten naer elken termijn / ter stede binne_ ghend / daer lauwereins vors_ / ofte de houder van desen tsaertre woenachtich wesen sal / sonder lauwereins cost van langhhackere ofte shouders van desen tsaertre / Jn alsulken ghelde als daer + me_ erfelike rente ghemeenlic me? betalen sal binne_ ghend / Ende dese vors_ erfelike rente / heeft Jan te_mer vors_ ouer hem en_ ouer sijn hoyr wettelic bewijst en_ beset vp zesse dachwant lands licghe_de vp den bosch jnt velt neffens willems lande van den pitte an deen zide / ende ghiselbrechts gruters lande an dander zide met tween jnghelschen pe_ninghen der vte gaende te zotteghem en_ eene_ inghelschen te gauere Ende vort vp sijn huus ende hofstede met allen den ghelaghen dat soe ghestaen ofte gheleghen es neffens den goede dat + men heet tenversteenbeke / metten lande datter neffens gheleghen es zeuen dachwand metter stede groot lettel min of meer daer vte dat gaet couterscult ende vter stede gaende een hondert eyere den spittaele van velzeke en_ twee grote den prochipape van velzeke / en_ zine_ costre eene_ grote Ende al dit vors_ bewijs en_ wettelic beset / heeft Jan te_mer vors_ wettelic vp~ghedreghen den he_e in handen in wetteleken pande en_ verzekertheden van der vors_ erueleker renten . Jn manieren / ware dat zake / dat lauwereins vors_ ofte sijn hoyr ende naco_mers ofte de houdere van desen tsaertre niet vergolden en (onleesbaar) telken sente marien lichtmesse (onleesbaar) (onleesbaar) ? parisisen erueleker renten vors_ ofte binne_ viertien nachten naer elken t_mijn onbegrepen ghelijc dat vors_ es / so mach lauwereins vors_ / ofte sijn hoyr en_ naco_mers ofte de ghene die houdere sal sijn van desen tsaertre vertheeren ofte (onleesbaar) (onleesbaar) (onleesbaar) zullen sijn elkes daghes viere grote tornoyse / sonder de pricipale rente te minderne / Ende waert dan so dat Jan te_mer ofte de ghene die dit vors_ bewijs houdende sal sijn niet en gholden lauwereinsse vors_ / ofte sine_ hoyre_ of naco_mers ofte den houdere van desen tsaertre / thenden desen viertien daghen sine vors_ drie pond parisise / en_ daer toe de theere van viere groten sdaghes also vors_ es / So mach lauwereins vors_ ofte sijn hoyr ende naco_mers / ofte de bringhere van desen tsaertre / co_men an den he_e ende an de wet van velzeke . Ende toeghen sijn ghebrec / Ende dan zullene de heere en_ de wet doen ten vors_ bewise na costume en_ vsage van den lande / behouden sheeren / en_ lints rechte Ende alle de coste ende the_en die lauwereins / ofte sijn hoyr / ofte de bringhere van desen tsaertre ghedaen sal hebben / o_me ten vors_ bewise wettelic te co_mene / dat de ghene dien tvors_ bewijs aneghewijst mochte werden / sal moeten ghelden en_ betalen lauwereinsse vors_ ofte sine_ hoyre / ofte den houdere van den tsaertre / alle de coste theeren / achterdeele en_ scaden / die hi + re o_me ghehadt / ofte ghedaen sal hebben eer hij hand sal moghen slaen an tvors_ bewijs / Ende dit sonder minderinghe van der principaelre renten / Ende alle dese vors_ dinghe ende elke zonderlinghe waren ghedaen wel wetteleken ende al wetteleken / also + men + se sculdich was te doene met allen den wetteleken maninghen ende vonnessen die + re toe + behoord? naer costume Ende vsage van den lande Ende o_me~dat zij moeten sijn ende bliuen goet vast / zeker / ghestade / ende wel ghehouden teeweliken daghen Jn der manieren dat zij vorscreuen sijn hebben wij landscepene_ van velzeke vors_ desen jeghewerdeghen tsaertre bezeghelt met onsen ghemeene_ zeghele Jn orconscepe en_ kennessen der waerheden / Dit was ghedaen swoensdaghes naer onser vrouwen dach lichtmesse Jnt Jaer ons heeren als + men screef dusentich + / drie + hondert + / en_ zestich - - - -