Corpus Van Reenen-Mulder (CRM14): Oorkonde I741r36901

Kenlec sij allen lieden die nv sijn ende hier na wesen selle dat wouter zalbrant heeft ghe~cocht ende ghe~creghen wel ende wettelec ende redelec ende wel ver~gouden tsjeghen doer van zegheren den brunnen een dachwant meers_ lettel meer of lettel min gheleghen jn de hourst bi alost ende dat te doenne ontfanne dien hi wilde ende dit heeft hi doen ontfan lisbeten vranx boudens box wijue ende die esscer wettelec toe commen jn + den namme van zegheren den amman ende al te zeghers bouef vors_ ende daer af kent hem wouter zalbrant ende alle diere toe hoeren moghen wel betal ende ver~noch van al tallen ende lisbete vors_ kent zegheren vorghenomt derue ende dat hi dit erve betalde ende dat sij er niet an en heeft sij no hare nacommers Ende dit vors_de goet ghaef wouter zalbran over zegheren den amman jn den sceluen coeppe dat hiet hadde maer wouter zalbrant betallet den oere van zegheren den brunnen ende zeghere damman betallet vor wouter zalbrande Ende hier vp soe scelet wouter zalbant al quite over hem ende over siiijne naco_mers Ende lisbete al die ghelike Ende o_me~dat alle deesse dinghen sellen siin ende bliuen goet vast ende ghestade tueeweliken daghen soe hebben wij desse lettere ghezeghelt elcht met siinen properen zeghelle wouter zalbrant ende bouden de boc over lisbeten siin wijef alse vocht hvt~hanghende jnt jaer ons heeren doe men screif . M + . ccc + . ? lxix den . xiiii . dach van ?