Corpus Van Reenen-Mulder (CRM14): Oorkonde I741r37101

Kenlic zij allen lieden / dat Jan teerpe_ninc heeft ghelooft boudine den boc costeloes en_ scadeloes te houdene ende te quitene / jeghen den he_e / daer men talf bunre / en_ dertich roeden merssche af houdende es / dewelke mersch / boudin vors_ in tiden vorleden cochte jeghen janne vors_ / gheleghe_ in obsbrouc an sgrauen straetkin / met zestien inghelschen / erfeleker Renten jaerlics der vte gaende ende ne_meer co_mers / Ende voort van allen heesschen / ende Calaengen die boudine daer af co_men mochten / Ende Mids desen so schelt jan teerpe_ninc boudine den boc / van den vors_ Coepe / en_ van al dat daer an cleuen mach gheel ende al quite / nv ende teeweleken daghen hier ouer waren gheroupen in orconscepen / als eruachteghe liede in ghend / her / gillis Ripe~gheerste / Ende jan evenoet / Dit was ghedaen jnt jaer ons he_en als + men screef . M + . CCC + . een ende tseuentich vp den . . + xijsten dach van decembre - . - .