Corpus Van Reenen-Mulder (CRM14): Oorkonde I741r38601

Wij Gheeraerdt van den walle Baeylliu der kerken ende miins heeren tsproosts va_ sente pieters Binne_ de_ heerschepe va_ sente ?ers dorp bi ghendt . Jan va_ den boengaerde alze wetteliic maenre bi ghebreke va_ den ervachtighe_ meyere jn de stede va_ (onleesbaar) wettelike ghezedt va_ tsheere_ weghe . Jan va_ cro_brugghe . Jan va_ aelst Jan de back_e . Claes de draeyere Jan va_ der scaffelt Gillis de meyere fransoeys morael Gillis va_ cro_brugghe . Jan van droughine . willem de roede . Pieter van leyns . Ende Jacop ?zepeyn . alze scepene_ der kerke_ ende miins heere_ tsproosts voers_ binne_ de_ voerseide_ heerschepe . ter zeluer tijt dat deze naervolghe_de dinghe_ aldus al wettelike ware_ ghedae_ voer ons Doe_ te wetene en_ make_ kenliic alle_ den ghene_ die deze_ jeghenwordeghe_ tsaertre zulle_ zien ofte hore_ lezen Dat voer ons comen es Jn propre_ persone alze voer de_ heere en_ voer de wet va_ sente pieters dorp voernou_t . . liisbette va_ aeltert gillis weduwe va_ den boe_gaerde met eene_ wettelike_ voght die hare gegheue_ was te wette alze in deze wettelike zake_ kende en_ verlide met~gaders hare_ wettelike_ voght (onleesbaar) dat soe vercoght hadde wel en_ wettelike sonder eeneghe fraeude ofte malengien quite goet o_me quite ghelt Gheeraerde va_ oestrem goesins sone viue schellinghe par_ tsiaers erfelike_ rente_ . eewelike en_ erfelike ghedure_de alzulke_ mue_te_ alze miin he_e van vlaendren jaerliix sal doen ontfaen van sire renten . Ende dit o_me eene zek_e so_me va_ ghelde daer of dat hare liisbette voers_ met~gaders hare_ wetteliken vooght kende vergolden en_ wel betaelt . De~welke . v . s_ par_ tsiaers erfelike_ renten . van houden verledene_ tiden bezedt siin en_ ghepossesseerd? jaerlix va_ iare te iare te heffene en_ te ontfane telken kerssauonde vp eene hofstede met alle den ghelaghen diere toe behoere_ . te sente pieters ten spriete die (onleesbaar) behoert janne amelrike . tusschen jans stede van der weeden die_ me_ heedt steenberch an deene zide Ende (onleesbaar) (onleesbaar) (onleesbaar) side . van vore_ t_ strate_ achter come_de toter leyen . Ende deze voerseide . v . s_ par_ tsiaers erfelike_ renten (onleesbaar) (onleesbaar) (onleesbaar) weghe ghebiede_ tsondaegs in de kerke . met drien wettelike_ zondaegs kercgheboden . alsoe me_ + ze sculdich was te ghebiedene . (onleesbaar) (onleesbaar) (onleesbaar) va_ hiemene vt_ kerke_ co_me_ So heeft liisbette voers_ met~gaders hare_ wettelike_ voght deze voerseide . v . s_ par_ tsiaers erfelike_ renten ?like vp~ghedraghe_ den heere in handen . en_ wasser wettelike of ondthuudt ondtheereft ende ondtgoedt en_ dedere toe met halme (onleesbaar) (onleesbaar) en_ met worpinghe_ alsoe vele alse zoe + re toe sculdich was te doene o_me wettelike te (onleesbaar) . Ende gheeraerdt va_ oestrem voers_ die wasser wettelike Jn verghift gheheereft en_ ghegoedt . alze in siin propre ghecoghte goet o_me hem ende sine_ hoyre en_ alle sine_ naco_mers al (onleesbaar) paeyziuelike te ghebrukene . Eewelike ende erfelike ghedurende Ende alle dese voerscreuene dinghe_ ware_ aldus ghedae_ voer ons (onleesbaar) en_ al wettelike alsoe me_ + ze sculdich was te doene . met drien wettelike sondaegs kercghebode_ en_ onghecalengiert va_ (onleesbaar) (onleesbaar) (onleesbaar) alle den wettelike_ maninghe_ en_ vo_nessen . en_ wettelike_ vp~draghinghe_ die re toe behoerde_ en_ sculdich ware_ toe te behorene (onleesbaar) (onleesbaar) (onleesbaar) naer costume en_ vzage va_ sente pieters dorp voers_ . Ende o_medat wij baeliu meyere en_ schepene_ (onleesbaar) (onleesbaar) (onleesbaar) voerseide dinghen aldus al wettelike voer ons ware_ ghedae_ (onleesbaar) (onleesbaar) (onleesbaar) te bliuene goet vast (onleesbaar) (onleesbaar) (onleesbaar) teewelike_ daghe_ sonder eeneghe fraude_ futen ofte malengie_ So hebbe_ wij ter beden en_ neere_sten verzouke van beede de_ paertyen voers_ dezen prezente_ tsaertre bezeghelt elc va_ ons~liede_ met sine_ zeghele hute~hanghende Jn ke_nessen der wareden altos beho? tsheere_ rechte . Dit was ghedae_ Jnt Jaer ons heere_ . doe me_ screef . M . + ccc + . lxxxvj . vp den tiensten dach va_ meye