Corpus Van Reenen-Mulder (CRM14): Oorkonde I741r38801

Wij Jan priisbier als scoutete en_ Wettelic maenre miins he_en jan vileins in hassneder amboucht en_ wouter brecht heynric wielant jan striibolle en_ jan lekaerd als scepene_ jnt selue amboucht Ten tiden dat dese dinghen waren ghedaen doen te wetene en_ maken kenlic allen liede_ dat comen es voer ons in propren p_sone jan wieland kende en_ verlide dat hi heeft vercocht wel en_ wettelike_ pieter mase poet_e in axle met joes quisthoute dien hi coes teenen wetteliken voecht in dese zake Twee en_ twintich en_ een half ghemete en_ achte en_ tsestich roeden lants lettel min ofte meer ligghende binne_ den ambouchte van hassnede jn die prochie van p_bome jn den houc~polre dat men heet ouer die huddinghe daer pieter wielant plach te woene jn diuerse steden hier na ligghende Jnt eerste vier ghemete en_ hondert roeden lants lettel min ofte meer ligghende vp den ondervliet van den vliete die men heet den houde_ waterganc streckende hoestwaert her ogier poerthier es ghelant an die noertside en_ willem boye an die zuutside Jtem drie ghemete (onleesbaar) (onleesbaar) tien + roede_ lettel min ofte meer jn den selue_ polre ant hoesthende van den voerseiden sticke lants streckende tote vp den cro_men dilf wielant arent sone es ghelant an die noertside en_ willem boye En_ an de zuutside es ghelant jan de smet Jtem jn den seluen polre bet zuut daer bj . vierd + alf vierendeel ghemeets lants lettel min ofte meer . michiel pauwels es ghelant an de noortside en_ hughe dieraert an de zuutside Jtem jn den selue_ polre bet noert~waert drie ghemete lants pieter elleue roeden lettel min ofte meer dat men heet die viue ghemete jans willems sone es ghelant an de zuutside en_ die cro_me dilf ligghende an de noortside Jtem jn den selue_ polre daer bi bet zuut een half ghemet lants lettel min ofte meer jans willems sone es ghelant an de noortside en_ jan sto_melin es ghelant an de zuutside Jtem jn den seluen polre bet noort twee hondert roeden lants lettel min ofte meer Jan rasschaert es ghelant an die noortside en_ die cro_me dilf voers_ ligghende an die zuutside Jtem in de_ selue_ polre noortwaert ouer die strate bij jan peets dat men heet wulfaerts lant twee ghemete lants lettel min ofte meer die heleghe gheest van p_bome es ghelant an die noortside ende jan stommelin an de zuutside Jten jn den selue_ polre bet noert daer bii Tachtich roeden lants lettel min ofte meer die deelnemers van pieter wielande siin ghelant an die noortside ende + jan stom_melin an die zuutside Jte_ jn den selue_ polre bet noert een half ghemet en_ een en veertich roeden lants lettel min ofte meer ligghende an den vliet dat men heet den houden waterganc streckende ten berie waert vp dat wilen was hughe jan soens jan liinman es ghelant an de noortside en_ daer ouer~loep an de zuutside jtem jn den selue_ polre bet noert daer bij co_mende van den voers_ hughe jans sonen Een vierendeel ghemeets lants lettel min ofte meer heynric jans sone es ghelant an die noortside en_ jan liinman an die zuutside Jtem jn den selue_ polre bet oestwaert vp die berie Neghene en_ tsestich roeden lants lettel min ofte meer willem boye es ghelant an die noortside en_ jan sto_melin an de zuutside Jtem jn denselue_ polre twee ghemete lants lettel min ofte meer ligghende bachte_ jan reinbouts streckende tote an pieter wielants dreue wille_ boye es ghelant an die noortside en_ hughe dieraets lant an die zuutside Jtem jn den selue_ polre Een ghemet lants lettel min ofte meer ligghende an die oestside van d_ voers_ dreue willem boye es ghelant ant noorthende en_ heynric hey? es ghelandt ant zuuthende En_ die kindre diederic rembouts siin ghelant an de oestside jtem jn de_ selue_ polre Een half ghemet en_ een half vierendeel ghemeets lants lettel min ofte meer zuutwaert ouer dat men heet tsgraue_ lant maertin hughe jans sone es ghelant an de noortside en_ wille_ boye an die zuutside Jtem jn den selue_ polre Een ghemet en_ een half vierendeel ghemeets lants lettel min ofte meer tende_ an dit voers_ lant ligghende streckende tote den vliete bachte_ jan moermans die kindre dieder_ reinbouts siin ghelant an die noortside en_ wille_ boye an die zuutside jtem jn den selue_ polre een half vierendeel ghemeets lants lettel min ofte meer ligghende bachte_ hughe clays sones an den waterganc Heynric wouters sone es ghelant an de noortside en_ thoyr van boudin vten houe an die zuutside jtem jn den selue_ polre een half ghemet lants lettel min ofte meer bet noortwaert streckende van der straten bi hughe clais soens ten wat_ganghe + waert vp . Die van der biloke_ siin ghelant an die noortside en_ jan de back_e an de zuutside Jtem jn de_ selue_ polre hondert en_ derthiene roede_ en_ een halue lants lettel min of meer ligghende tussche_ tvoers_ half ghemet lants en_ den waterganc . Die kindre jan dullins siin ghelant an tnoerdhende en_ martin hughe jans sone ant zuuthende Voert es come_ voer ons scoutete en_ scepen_ bouen gheno_t wielant arent sone en_ miin jonfrouwe siin moeder en_ wielant voers_ als haer wettelike voecht in dese zake kenne_ en_ verlien dat sij hebbe_ vercocht wel en_ wettelike pieter mase voers_ metgaders sine_ voecht voers_ Anderhalf ghemet en_ viere en_ twintich roeden lants lettel min ofte meer ligghende in den houc~polre voers_ . zuutoest van den lande dat men heet die viue ghemete willem boye es ghelant an die noortside en_ pieter maes voors_ an die zuutside mette_ drie ghemete_ lants die hi cochte jeghe_ jan wielande En_ al dat voers_ lant voers_ heeft pieter maes voers_ met sine_ voecht voers_ ghecocht Omme een seker somme van ghelde van den welken ghelde dat hem jan wielant voers_ en_ wielant arent sone voers_ en_ miin jonfrouwe siin moeder voers_ met haren voecht voers_ bi en_ elc sonderlinghe houden wel ghepayt en_ kenne_ hem al wel vergolden van pieter mase voers_ in goede_ ghereeden ghelde En_ an al dat voers_ lant so waren ghedaen drie tsondaechs wettelike ghebode ter vierschen van hass_ amboucht en_ daer men + se sculdich was te doene die ni_en en calengierde noch wederseide en_ daer tenden dachvaert ghewiist alle_ den ghenen voer oghen te co_mene die hem an dit voers_ lant eenich rechts vermete_ wilden En_ al~daer bleef onghecalengiert En_ al~daer so siin jan wielant en_ wielant arent sone en_ miin jonf_ siin moeder voers_ en_ wielant voers_ als haer voecht te buten ghegaen van al desen voers_ lande en_ elc sonderlinghe bi maninghen van den scoutete en_ bi wiisdoeme van scepenen voers_ en_ hebben wel en_ wettelike hem selue_ en_ haer~lieder oyr daer af ontgoet en_ ontheerft met hande_ met monde met almen en_ met werpinghen en_ pieter mase voers_ met~gaders sinen voecht voers_ daer jnne ghegoet en_ gheheerft en_ sine naco_mers En_ jan wielant en_ wielant voers_ en_ miin jonf_ voers_ hebben hier toe ghedaen al dat sij sculdich waren te doene naer wet Costume en_ husage van hassneder amboucht jn oerconscepe der wareiden en_ in kennessen van al desen vors_ dinghen so hebben wij scoutethe en_ scepenen boue_ ghenoemt desen tsaert_e gheseghelt elc onser met sinen seghele huuthanghende ter beden begherten en_ neersten versouke van allen den voers_ p_tien en_ van elken sonderlinghe Dit was ghedaen jnt jaer ons heere_ dusentich drie hondert Tachtich en_ achte naer tcuers van huutrecht den tiensten dach van sporkille