Corpus Van Reenen-Mulder (CRM14): Oorkonde I741r39702

KEnlijc zij allen lieden dat alse van den neghene buenderen lands een ghemet min ligghende in de prochie van tsaffelaer dat wilen toebehoerde den hospitale van de_ gasthuze en_ den hospitale van sente jacops huus in ghendt ghemeene en_ o_me de meeste jonste en_ vrienschepe te voedene tusschen de vorn_ twee gods~huse en_ o_me~dat elc tsine weten soude bij bescheede . So eest dat de regerers en_ de besteeders van den vorn_ lande gheseten gods~husen o_me beters wille hebben ghecoren en_ ghebeden jan drabben en_ gillis van den ascoepe de~welke twee persoene bij den vorn_ lande gheseten + sijn dat zij dit vorn_ landt wilden deelen en_ spliten in tween paertschelen en_ wien van hem beeden eenich paertscheel metten cauele gheuiele dat hem dat bliuen soude voert~ane ten eeuweliiken daghen sonder den anderen eenich recht daer ane te vermetene dwelke dat de vorn_ jan en_ gillis ter beden van den goeden lieden van den gasthuse en_ van sente jacops huse ghedaen hebben en_ hebben gheordineert dat de goede liede van den gasthuse sullen hebben possesseren en_ ghebruken ten eeuweliiken daghen ouer haerlieder deel van den vorn_ neghene buenderen lands een ghemet min mids dat hem~lieden gheuallen es bij gherechten cauele dats te wetene ane de westende van den waterghanghe in de he?tinghe en_ dier gheliike stic lands daer de schuere up staet . / / Ende vort so sullen de goede liede van sente jacops huus hebben possesseren en_ ghebruken ten eeuweliiken daghen ouer haerlieder deel van den vorn_ neghene buendere_ lands een ghemet min mids dat hem~lieden gheuallen es bij gherechten cauele dats te wetene ouer de oostende van den waterghanghe daer de twee appelboeme staen daer leeght een ghemet lands meer dan ouer de westende voren verclaert mids welken de vorn_ goede liede van sente jacops huse bij der ordinantien van den vorn_ tween persoenen hebben toeghegheuen en_ betaelt den goeden lieden van den gasthuse ouer tforn_ alf ghemet lands dat zij meer hebben in ghelde ouer elke roede twintich miten . Ende het es te wetene dat wte desen vorn_ lande gaet tsiaers achtiene penninghe wten buendere en_ neghene gro_ torn_ tsiaers van hughe dullaerds capelrien co_mende . dewelke rente beede de hospitale sullen ghelden en_ betalen jaerliix ghemeene behouden dien dat thospitael van den gasthuse sal jaerliix meer betalen twee (onleesbaar) en_ eenen aluen dat thospitael van sente jacops huus mids dat zij viif ghemete lands meer hebben dan die van sente jacops huus doen en_ vort so sal elc moghen weghen ouer anders landt naer sinen haseme_te ter goeder trouwen sonder wed_segghen . Ende hier + ou_ waren ou_ de goede liede van de_ gasthuse broeder jacop broeloes en_ broeder hoste colpaerdt en_ ouer de goede liede van sente jacops huus der jan (onleesbaar) en_ joncfrouwe beele smouttene_en alse ontfangherigghe van sente jacops huus . Dit was aldus ghedaen int jaer ons he_en alse me_ screef . M + . CCC + . en_ + . xcvij . den . vij.sten dach in nouember