Corpus Van Reenen-Mulder (CRM14): Oorkonde I759r37101

Allen den ghenen die dese ieghenwordeghe l_ren sele_ sien ocht hoore_ / Wii / gheerard v_e helen En_ peet_ v_e lielen / ghebrued_e / En_ claus dien men heetet isewiin late mijns h_en des abds van grimberghen saluut met kennessen der warheit / wij doen te wetene ende te verstane (onleesbaar) vore den recht_e miins h_en des abds vors_ ende vore ons comen es jn prop_en p_sone heinric de beere wilen jans sbeeren sone ? ende lijde dat hi vercocht hadde wittelike En_ wale Omme ene Summe van Penninghe_ die he_ volcomelike v_gouden ende betaelt ? sanderse van steile boudens sone van steile Ene_ erfliken tseins van tween guldenen hellinghe_ alselker alse men ghemeinlike heetet tseins~guldene ende ghelijc dat se de here vanden lande jaerlike van tseinse ontfaet goed En_ custbaer van goude En_ va_ ghewichte Ochte de werde daer af jn goeden and_en peymente / Te gheldene ende te betaelne vanden vorscreuene_ heinrike van sinen oyr en_ nacomelinghe_ sanderse van steile vors_ En_ sine_ nacomelinghe_ erflike en_ emm_meer / alle jare te onser vrouwen daghe jn ougstmaen? ende omme~dat heinric vorscreuen Dese twee guldene hellinghe jaerlijcs altoes vordane wel betale_ wille ten vorscr_ termine so heeft hi daer vore ghesett te ene_ gherechten onderpande een stucke lands metten gronde houdende Omtrent een half boenre luttel meer ocht luttel min / dat leghet te hellegate ende strect met den ene_ ende ane de hoeuestrate / tusschen dlant wilen jans sbere_ kind_e des vors_ heinrics brueder was jn beiden siden / ende vort so heeft hii jn der seluer manieren vore den vorscr_ tseins verbonde_ een ? stucke lands met den gronde / dat heetet de middelschage ende houdt Omtrent drie vierendeel luttel meer ocht luttel min met den eene_ ende streckende ane dat vorscreuene half boenre / ende met der eenre siden so leghet neven der vorseider wilen jans sberen kind_e land ende metter and_e zi? neven derseluer kind_e land / ende oec neven dland dat de Berct heet En_ was (onleesbaar) gherards holland_s welke Onderpande beide men houdt van den abt van grimberghe_ vorscreue_ op twelf penninghe goede (onleesbaar) jaerlike gaende vte elken boenre / ende op twelf pe_ninghe ghemeins borse~ghelds te elker verwandelinghe_ ende waert dat zake dat de vors_ heinric ocht sine nacomelinghe / den voerghen_ sand? ochte sinen nacomelinghe_ niet ghenoech en daden vande_ vorseide_ tween guldene_ hellinghe_ te elken termine vors_ / so soude die selue sand_s ochte sine nacomel_ hore hand moghe_ slaen ane beide de vors_ onderpande ende die soude_ sij vrome_ ende ontvrome_ alse hore prop_e goed / na dat een vonnesse wisen soude / hier toe es ghesciet al datter sculdech toe was te ghesciene negheenen poynte van rechte achterghelaten na ghewoente des lands / bij maennesse? jans vande_ vere recht_s ende bi wiisdome van ons laten vorscr_ / behouden altoes eniegheliken sinen rechte . jn ghetughenesse_ ende vestinghe_ der waerheit / so hebben wij gherard ende peeter late vorghenoe_d onse prop_e zegle desen lette_n aneghehangh? ouermids de bede vanden partijen jn beiden ziden / ende omme~dat jc claus ysewiin laet bouen~ghescreue_ engheene_ prop_en zegel enhebbe so bidde jc ene_ eersamen ende wisen man janne vanden v_e recht_e vorscr_ dat hi desen brief bezeghele_ wille met sinen prop_en zegle / ende jc jan vanden vere recht_e des abds van grimb_ghe_ vors_ / ouermids de bede van clause vors_ ende oec omme tversoec vanden partijen jn beiden ziden / so heb jc Dese lett_en bezeghelt oec met minen prop_en zeghele Die ghegheue_ ware_ jn djaer ons h_en doe_ men screef dusentech / drie + hondert tseuentech ende een jaer des donredaegh? vore alre heileghen dagh