Corpus Van Reenen-Mulder (CRM14): Oorkonde K094p30101

Wij heinric van der maze : Diederic van den toerne . wouter van der timple Ende adaem duker Scepene in dordrecht oerconden en_ kenne_ dat voer ons quame_ ver + machtelt wt den meelhuse haren willaem dukijncx dochter met hare_ ghecoerne monbare : ende hare kinder namelike . woluiaert met haren ghecoerne monbare : volqui_ heinekijn aleborch ende willekijn met hare_ gheboerne voechde . janne hare_ broder ; Ende verghieden dat si ontfanghen hebben . van willame heinemans sone van wtwike dien hi hadde bi aleborghen haren willaem dukijncx dochter tuee hondert pont en_ zes po_t louenscer pe_ni_ghe eene_ suarte_ tornoysen alsoe goet als nu gaet voer eene_ pe_nijnc . jof eene_ groete_ tornoysen des conijncx pe_nijnc van vrankerike die goet ziluere_ es voer zestien suarte tornoyse dat payme_t niet te arghen noch te betere_ dan al~sulc als hede_ op dese_ dach ghenghe en_ ghaue es in dordrecht . van desen voerseiden ghelde soe sullen dese voerseide ver + machtelt met hare_ ghecoerne monbare ; ende hare kindere voerseit gheue_ te rente_ alle jare willame heinemans sone voerseit tot elken sente baue_ daghe . tuintich pont en_ tuaelf scellinghe al~sulcs payments als hier voerscreue_ es ; alse langhe als si dit voerseide ghelt onder hebben ; ende die eerste rente sulle_ si gheue_ van eene_ jare . van sente baue_ daghe die naest coemt ; ouer een jaer . voert van deser voerscreue_ rente soe sal hebbe_ dese voerseide heineman van wtwike ; neghen pont jaers al~sulkes payments als hier voerscreue_ es ; alsoe langhe als hi leuet ; Ende soe wanneer dat des voerseits heinemans niet meer en es ; soe sulle_ die neghen pont jaers voerseit come_ an willame sinen sone voerseit . Dese voerseide pe_ni_ghe . En_ dese voerseide Rente hebben si verzekert op dat erue ghehelike daer dat meelhuus nu ten tiden op staet ; sond_ vijf en_ tuintich scellinghe jaers die da~er + wt gaen ; Ende op vijf pont suarter tornoyse jaerliker rente_ legghende in dat erue daer Colijn clawaerts soen nu ten tiden op woent die share_ willaem dukijncx sijn ; Ende sire dochter gheleent heeft : ende verghiet heeft dat bi sine_ wille es / Ende ghebrake daer an yet . dat mach willaem voerseit verhalen an dat meelhuus . voert soe esser toe ghesproken ; waer dat sake dat willaem voerseit begheerde weder te hebben . dese voerseide pe_ni_ghe . dat sal hi deser voerseider ver + machtelden en_ den kindere_ voerseit doen te wetene drie maende voer dien dat jaer wtg~aet . en_ daer bi soe sullen si hem betalen . Ende waer dat sake dat dese voerseide ver + machtelt ende hare kindere voerseit des voerseits ghels quite wilden wesen ; soe sullen si des~ghelikes dien voerseiden willame weder doen als voerscreue_ es ; Ende alse dese voerscreue_ dinghe sijn ghemaket behouden des rechts van der hantveste . daer haer willaem dukijnc en_ heineman van wtwike eerste bi gheeffent ware_ bezeghelt met der stede zeghel van dordrecht . voert waer dat sake dat willaem voerseit jof sijn bode om dese voerseide rente quame tot elken t_mine als voerscreue_ es / ende men hem sijn rente niet en ghaue op den eerste_ dach als hi quame / soe sullen ver + machtelt ende haer kinder voerseit hem jof den bode sine_ cost quite_ in d_ herberghe ; tot dier wilen dat si hem betaelt hebben dese voerseide rente . Jn oerconde desen brieue . Ghegheue_ int jaer ons he_en . + M˚ . + ccc˚ . + ende een + . des saterdaghes na sente Laurens daghe . -