Corpus Van Reenen-Mulder (CRM14): Oorkonde K094p30601

Wij jan van striene Jan die vriese haren Ghysen soene En_ Gheerscalc clays oems soene Scepenen in Dordr_ oerconden en_ kennen dat voer ons quam oudeheyne die snidere ende verghiede dat hi vercoft heuet heinen van waes alse totes heylighe_ gheests behoef die eene helft van den Erue daer dese oude~heyne nu vp + woent van der haluer straten ter hauene toe En_ hem hier of betaelt es den eersten penning en_ den lesten hier bi heuet hijt hem ghelouet te waren alse een vri ghoet van allen commer En_ van alrehande aentale voert Soe kenne wij voerghenoemde Scepenen dat dese heine van waes dit voerghenoemde half erue alse van des heilighen gheests weghen desen voerghenoemden oude heynen verhuret heuet toten naesten brande om vier ende twintich scellinghen niewer holl_ sulc als + men tordr_ in die munte slaet iof in paymente twee zwarte tornoysen ouer eenen holl_ siaers deene helft te + gheuen alle iare telken mey~daghe en_ die ander helft telken Sente bauen daghe jn oerconde desen brieue ghegheuen int iaer ons heeren M ccc en_ sesse des Dinxen~daghes na Sente matijs daghe - - -