Corpus Van Reenen-Mulder (CRM14): Oorkonde K094p30901

Wij pieter oudekijn jan die snider en_ willaem ossekijn scepene_ in Dordrecht oerkonden en_ kenne_ dat haer tieleman die vriese vor ons verghiede dat hi ghegheuen heuet den heylighen gheest in dordrecht tien scellinghe_ goeder hollantscher iaerliker rente_ (onleesbaar) ?en Erue daer jan van leffinghe die scoemakere nu vp woent en_ gheleghen es an die hauen side ieghens v_ trude bbe + kinder huse rech ouer dese rente heuet hi hem ghelouet te waren van allen commer en_ van alrehande antale ? oorconde desen brieue ghegheuen int iaer ons heeren M ccc en_ neghene des dinxen~daghes na sente Odulfs daghe