Corpus Van Reenen-Mulder (CRM14): Oorkonde K094p31301

Wij : jan ver + diedewien sone . wouter van der tympel . en_ heinric die vriese haren tielemans sone scepene in dordrecht orkonde_ en_ kennen dat voer ons quam . haer pieter oudekiin en_ verghiede dat hi ghegheuen heeft den heylyghen gheest binnen dordrecht bi sinen moet~wille en_ machtich siins sins . dat erue gheheel . daer gillijs die smit aertus suagher nv ter wilen op woent . welc Erue voerseyt rent drie pont goeder holl_ tsiaers . alse voer siins vader cruce en_ voer siinre moeder cruce ende voer winin siinre suster cruce daer got die ziele of hebben moet . alse waer + bi so welken tiit dat ene ghemene vaert wert over zee . dat die heylych gheest voerseit vt sal reken also vele ghels alse die voerseyde erue op die tiit ghilden mach desen voerseyden drien crucen hoer vaert mede te quiten . jn oerkonde desen brieue ghegheuen jnt jaer ons heren dusent drie hondert ende dortiene des saterdaghes na die pasche~daghe - - -