Corpus Van Reenen-Mulder (CRM14): Oorkonde K094p34503

WJ Clays lompe didderix soen . gheeraed hamert hughen soen . Ende laurens eelants soen . Scepenen in dordrecht orkonden en_ kennen dat voer ons quam . Willaem willaems soen vter scute ende verghiede dat hi vercoft heeft . h_ren heinric prijs . priest_ . die houder es van desen brieue achtien scellinghe holl_ jaerliker renten leggende jnden erue . daer haer goedscalc die hont op plach te wonen an die poertside . tusschen . den erue daer gheeraed witte h_ren heinrix soen op woende in sinen lesten liue an deen zide . Ende den erue daer Meeus willaem aelbaerijs soens sone nv ter wilen op woent an dander zide ; Ende zeuentien penninghe hollansche tsiaers leggende in den erue daer meest_ pieter die riemaker op woende in sinen lesten liue an die poertside westwaert alre naest den erue daer jonghe harman vinke nv ter wilen op woent . Ende hem haer heinric prijs . voerghenoemt hier of betaelt heeft den eersten penninc en_ den lesten . Hier bi heeft hi hem dese voerscreuen jaerlike renten gheloeft te waren alse een vry goed van allen commer en_ van alrehande antalen ; Jn orkonde desen brieue . Ghegheuen jnt jaer ons he_en . + M˚ . + ccc˚ . + viue en_ viertich Des saterdaghes na sinte valentiins dach in zille - - - -