Corpus Van Reenen-Mulder (CRM14): Oorkonde K094p35002

WJ ghisebrecht haren ghisebrechts sone / Arnoud suus gheerolfs sone / florens van der tympel splinters sone / ende jonghe heinric scoutate haren clays sone . Scepenen jn dordrecht orkonden ende kennen Dat vor ons quam heinric blanckaerd heinrix sone . En_ verghiede dat hi vercoft heeft / haren heinric prijs priester . Die houder es van desen brieue . / Alsulke jaerlike renten / als hier + na / bescreuen staen . Dats te weten . Jn den eersten / Jn den erue daer bartoud bartouds sone die scrinemaker nv ter wilen op woent / an die poertside . Drie scelli_ghe hollantsche tsiaers . Jn den erue daer heinric van den slote nv ter tijt op + woent / Drie scelli_ghe ende neghen penni_ghe hollantsche tsiaers . Jtem jn den erue daer thuus nv ter wilen op staet / dat + men heet vruechdenberch . twee scellinghe en_ zes penni_ghe hollantsche tsiaers . Jtem an die lantside jn haren heinrix vriesen strate . jn den erue daer die hanc op + staet . Die ghisebrecht pouwels soens was in sinen lesten liue . Dortien scellinghe vier penni_ghe / ende eenen hallinc hollantsche tsiaers jtem jn der seluer straten vorghenoemt jnt erue daer boudiin jans sone nv ter wilen op woent . vier scellinghe ende zes penni_ghe holl_s___ tsiaers . Jtem jn den erue daer pieter tuut nv ter wilen een huus op staende heeft jeghens der minrebroeders daer willaem die closser nv ter wilen in woent / acht scellinghe ende acht penni_ghe holl_s___ tsiaers . Jtem jn den erue daer gheertruud pieter mathijs soens wedue nv ter wilen op + woent / alre naest den erue vorscreuen vier scellinghe ende vier penni_ghe holl_s___ tsiaers . Jtem op den hoec van Meynaerds / strate an die lantside daer jan die koruer nv ter wilen op woent . zes scelli_ghe ende zeuen penni_ghe holl_s___ tsiaers / Jtem jn hugheman backiins strate / ouer die oude graft bi der stede muren . / daer willaem ermbouds sone / nv ter wilen op woent / zeuen scellinghe hollantsche tsiaers . / Ende dese vorscreuen renten / ghinghen jn jn sinte bauen daghe die nu naest leden es . / Ende hem haer heinric prijs priester vorghenoemt hier of betaelt heeft / den eersten penninc ende den lesten / hier + bi heeft hem heinric blanckaerd vornoemt dese vorscreuen jaerlike renten / gheloeft te waren als een vri goed van allen commer ende van alrehande antalen . Jn orkonde desen brieue ghegheuen jnt jaer ons he_en . + &mring; . + ccc˚ . + ende vijftich + . Op sinte agnieten auond -