Corpus Van Reenen-Mulder (CRM14): Oorkonde K094p35003

Wj Jan symons sone van bysanten . ghisebrecht h_en ghisebrechts sone . Ende heinric h_en jan v_en yden soens sone . scepenen in dordr_ orkonden en_ kennen . dat vor ons quam . boudiin yen sone . En_ verghiede dat hi vercoft heeft . h_en heinric priis prochipape ter groter kerken in dordr_ . die houder es van desen brieue . Een pont holl_s jaerliker Renten legghende in den erue daer die voers_ boudiin nv ter tiit op woent . Ende hem hier of betaelt es die eerste penninc ende den lesten . hier bi soe heeft hi hem / dit pont holl_s tsiaers voerscreuen gheloeft te waren als een vri goed van allen commer en_ van alrehande antalen . Jn orkonde desen brieue ghegheuen jnt jaer ons he_en . + M˚ . + ccc˚ . + en_ viiftich + . des sonnendaghes voer onser vrouwen dach ter lichter