Corpus Van Reenen-Mulder (CRM14): Oorkonde K094p35301

Wj Roelof h_en boudijn pucox sone boudijn jan boudijns soens sone Ende gheeraed van orsoyen scepenen jn dordr_ orkonden en_ kennen . dat quamen jn der pandinghe . wormbout . jan . ende tielman alaerd h_en tielmans soens kindere die hi hadde bi katelinen sinen wiue met horen gheboren voecht ende bi horen ghemeenen vrienden ende verghieden dat si bewijst hebben h_en heynric prijs . prochipape ter groter kerken jn dordr_ . die houder es van desen brieue drie scellinghe holl_s jaerliker renten legghende jn den erue daer gheeraed lisen zone ende jan harlebeec nv eene_ hanc op staende hebben jn h_en heynrix vryesen strate als jn rechter manghelinghe en_ jn barteringhe om twee scell_ . en_ ses pen_inghe holl_s jaerliker renten legghende jn den erue daer nv thuus op staet dat men heet vroechdenborch . Ende dese eerste renten vorscreuen ghinghen jn . te bamisse doe men screef . + M˚ . + ccc˚ . + een en_ vijftich Voerd hebben hem dese vornoemde kinder alsoe alsi hier vorscreuen staen ghezamender hant en_ onghesceyden dese eerste renten vorscreuen gheloeft te waren als een vry goed van allen comm_ ende van alre antale Jn orkonde desen brieue ghegheuen jnt jaer ons he_en . + M˚ . + ccc˚ drie en_ vijftich opten tienden dach jn maerte