Corpus Van Reenen-Mulder (CRM14): Oorkonde K094p35402

Wj Roelof haren boydiin pucox sone ; jacob van der tympel jans sone ; ende gheeraed van den steenhuse jans sone Scepenen jn dordrecht Orconden ende kennen Dat voer ons quam ; agniete nouden wedue van osse / met haren ghecoren voecht en_ verghiede dat + si vercoft heeft ; h_en heinric prijs priester . Die houder es van desen brieue . vier pont . twaelf scelli_ghe tien penni_ghe ende eenen hallinc hollantsche jaerliker renten met den eyghendom die daer + toe + behoert . waer + of gheleghen siin drie pont . elf scelli_ghe . tien penni_ghe ende eenen halli_c holl_ tsiaers . an die lantside jnt gheheel erue . daer boudiin yen sone nv ter wilen op + woent . gheleghen tusschen clays huse van den zande daer hi nv in woent an die een zide ; Ende den erue daer arnoud lammekiins sone nv een huus op staende heeft an die ander zide ; Ende een en_ twintich scelli_ghe holl_ tsiaers . legghende jn der dwersstraten . also + men gaet ter nyewerkerken waerds ; tenden after dese husinghe voernoe_t jnt erue daer pieter helleuoerd en_ hughe meeus sone nv op wonen . tusschen den erue daer harman beelen sone nv op woent an die een zide . Ende den erue daer die voerseide arnoud lammekiins sone nv een huus op staende heeft . an die ander zide . Ende haer hier + of betaelt es die eerste penni_c ende die leste . hier + bi heeft si hem met haren ghecoren voecht . dese jaerlike renten met den eyghendom die daer + toe behoert alse voersproken es . gheloeft te waren alse een vri goed van allen commer en_ van alrehande antalen . Jngaende dese renten vorseit Op den mey~dach die naest voerleden es . jn orconde desen brieue ghegheue_ jnt jaer ons he_en . + M˚ . + ccc˚ vier en_ vijftich + . Op den lesten dach d_ maent van meye - -