Corpus Van Reenen-Mulder (CRM14): Oorkonde K094p35503

Lieue gheminde vriende wilt wete_ dat ic des derden daghes ? Meye lest v_leden ghesont quam tave_ioen met mine_ cnecht . En_ in + den weghe vele zorghen En_ menighe_ zuaren arbeyt hebbe gheleden met groten coste En_ noch ligghe taue_ioen met c_nke_ p_fite te doene met zuaren costen . ou_mits dat ons gheestelike vader in groten zorghen gheset es van orloghen die hem in den lande van p_uincien toecomen zijn En_ alle daghe meere_ ieghen zine_ danc . En_ den ou_moet die zijn cardinale ond_linghe d_ghe_ metten p_tien . also dat hi noch t_ tijt van gheene_ zaken besceyt doen conde of die v_horen . daer yemende mede gheholpen si / vort wet dat ic vor hem gheweest hebben in zine ghemene consistorie met mine_ aduocate_ Meester Richart den grote van inghelant . En_ M_ meester janne van zeelant die onse zaken En_ noot souden ghetoent hebben want nieme_t tonen mach vor den paus den aduocate . En_ hem die paus te derre tijt voren bewarde (onleesbaar) dat hi van ghenen zaken vor hem ghetoent en woude hebben noch berechten Et + en + ware van bisdoemen . En_ van dien daghe haddic coste van tienen oude scilden . En_ ic wel rade dat ghi des niet en laet ghine impetreert Eene_ bede brief van onser vrouwe_ der g_ui_ne_ va_ holla_t an den vors_ Meester Ricarde Sprekende So ghi vriendelijcst v_crighe_ cont dat hi in onser zaken . vorderlic En_ om hare_ wille ghehulpich si want hi den hertoghe van lanccastre zeere mint En_ zine zaken met alsine_ besten vortset w_ dat hi mach Vort wet dat h_e gherart van den vene taue_ioen gheweest heeft des bisscops zeghelare van vtrecht En_ hi den cardinael van bolongen ghescenct heeft twee dusent ghuldine daer ic vreese vore hebbe dat hi ons z_e hindren mach want hi wel metten paus ghesien es . En_ wart dat ghijt Raden w?ut om~dat onse h_e die g_ue van hollant des cardinaels vors_ maech es / dat ghi eene_ brief wilt v_crighe_ van onsen h_e den g_ue an den vors_ cardinael dat hi ons in onser zake_ niet en lette maer vorderlic En_ hulpich ware . . vort so weet dat ic op die lettren die ghi mi ghauet ne gheen ghelt met en~gheenre lust v_crighen of gheleenen conde die ic ghans ghaue En_ onbeslet metten bode der ieghenwordigher lett_en weder zende / En_ want mijn ghelt ze_e ghemindert es En_ ghi wilt dat ic in onse zaken vort arbeydende zi . so wilt mi ghelt zenden die mede te v_warne of die lombarde die bi v gheseten sijn also ghoet hebben dat men mi ghelt op har brieue die ghi mi sendet van haren weghen leene zonder eenich ghebrec in also groter su_me_ als ghi an vwe zaken taue_ioen costighe_ wilt En_ dat men daer nieme_t echt ne vordert zonder ghelt . En_ wilt ooc wete_ dat ic den cardinalen niet so wel en betrouwe dat ic hem yet te vore_ der gheue_ het en ware dat ic in onser zaken wat ghevordert zaghe . En_ hoe ghi in vwen apeelle v_waert sijt zuldi wel v_neme_ an hare_ wiggher mine_ gheselle . vort so weet dat ic noch des besten emmer hopende ben van onser zaken En_ ic altoos arbeyden sal na mijnre macht En_ ic emm_ sculdich ben te doene . En_ eest dat ic des besten v_neme dat sal + ic v laten weten so ic alre eersten mach . Waer ooc dat ghi yet meer beghar_ te doene in desen ofte in andre zaken dat wilt mi laten weten want ic altoos bereet ben te doene wat ic v_mach . God beware v . altoos . ghegh_ opten . xxij~ten . dach van Meye~maent . Bi Heynric prijs vwen p_chipape .