Corpus Van Reenen-Mulder (CRM14): Oorkonde K094p35504

Lieue gheminde vriende / wilt weten Dat ic ghesont ben / dat ic zonderlinghe van v begh_e . En_ dat ic onse zaken . van der pollutien En_ int_dicte hebbe doen p_pon__en En_ toghen vor onsen gheesteliken vader den paus van welken betone ic behouden hebben dat onse h_e die paus beuolen heeft den vicecancelier die te expediren en_ te bewisen . die daer af eene Supplicatie ghetekent heeft . in manieren dat + ment beuelt den bisscop van camerike dat hi den bisscop van vtrecht v_mane te wiene en_ te reconsiliirne de kerke van dordrecht En_ dat int_dict also alst daer es . En_ waer dat zake dat die bisscop van vtrecht dat niet doen ne woude En_ hijt wederzeyde te doene met onrechte / so soude die bisscop van Camerike vors_ bi hem zeluen ofte bi eene_ and_en dien hijt beuelen woude die vornoemde kerke van dordrecht wien En_ reconsilieren . En_ die bulle hier af te v_crighen Daer valt mi wat stoots in En_ belette waer om ic mi noch niet wel expedien En_ haestighen mach te minen willen . Mes ic hope dat icse cort bi der hulpen gods v_crighen sal En_ bi v comen / of die zake ouer scriuen waer om het werde belet . En_ bi wien . Ende waert dat ghi yet wout Dat ic v_mochte ghebiet te mi waert altoos want ic altoos ben bereyt tuwen dienste . . ghegh_ des manedaghes na sente bonifatius dach . . God si met v En_ beware altoos . . Jtem so en wilt ne ghene_ bode gheloue_ . noch lone_ al brachti bullen ofte and_e lett_en tot tier tijt dat ic bi v come_ moghe En_ come_ v boden ofte bullen . die bullen die neemt op . En_ den loen v_trect tot mire comst altoos . En_ and_s ne doet noch gheloft boden ofte brieuen . . . Bi heynrike prijs vwen p_chipape -