Corpus Van Reenen-Mulder (CRM14): Oorkonde K094p35505

Lieue gheminde vriende wilt weten Dat mi onmate z_e v_wond__t dat ghi mi niet omboden hebt ofte eenich ghelt ghesent onse zaken mede te vriene . Want ic v te vier w_uen ? late weten metten boden die ou_comen sijn En_ ic v ouersende die lettre daer ic mi mede soude bereyt En_ onse saken v_crighen . met mine_ cnechte mathise . Waer om ic v bidde vriendelike dat ghi mi ghelt send Want ic te groten coste Ende zieken liue alse staen moet dat ic ghenoech ghevreest ben En_ onse saken niewerinx bi belettet en w_den dan om tghebrec van ghelde als v h_e peter wolf_t brengher deser lett_en wel segghen sal / die met mi onse zaken belopen heeft En_ wel met mi ghearbeyt daer hi noch ongheloent af es . En_ lieue vriende en wilt niet traech wesen dat v_siene Eist dat ghi Eenighe zaken wilt dat laet mi weten want ic bereyt ben altoos tot vwen dieste / God si met v . . . Bi h_en heynric prijs vwen p_chipape