Corpus Van Reenen-Mulder (CRM14): Oorkonde K094p35507

WJ g? van orssoeyen ; Roelof dukinc h_en gheeraeds zoen ; tielman die hont h_en florens zoen van den zwaerde ; Ende vrederic van ameronghen vrederix zoen . Scepenen jn dordr_ orconden en_ kenne_ dat voer ons quam jacob van den slote gillijs zoen . Ende verghiede dat hi vercoft heeft jan polreman jans witten zoen die houder es van desen brieue ; zeuen pont holl_ jaerliker renten . die hi hem bewijst heeft en_ verzekert op alle sinen goede ; roerende en_ onroerende ghewonnen en_ onghewonnen soe wat goede dat si . jof waer dat gheleghen es . dat hi nv ter tijt heeft jof namels vercrighen mach En_ hem hier of betaelt es den eersten pe_ninc ende den lesten hier bi soe heeft hi hem dese voernoemde zeuen pont holl_ jaerlike renten gheloeft te waren als een vri goed van allen commer en_ van allen antalen . En_ dese voernoemde jaerliker renten sal hi hem wt~reken en_ betalen alle jare opten corsauonde . naest comende . jn paymente als bi tyden ghenghe en_ ghaue sal sijn binnen der steden van dordr_ . jn orconde desen brieu? ghegheuen jnt jaer ons he_en M˚ ccc˚ viue en_ vijftich op ? (onleesbaar) auond