Corpus Van Reenen-Mulder (CRM14): Oorkonde K094p35601

WJ Scepenen ende Raet der stede van dordrecht ; Maken cont en_ kenlic allen luden ; Want onse here He_e die graue van Heynn_ en_ van Hollant . die pertyen op beyden ziden alinghe versoent gheseit heeft . van den dootslaghen en_ mesualle . die binnen dordrecht mochte siin ghesciet of ghescieden bi opsette heinrix scoutaten ; Daer of dat siin zegghen inhout ; Dat heinric scoutaten kindre ; Ende alaerd suus kindre maken souden en_ doteren jn die grote kerke tordrecht . Eene cappelrie ; En_ daer toe gheuen ; twaelf pont holl_s tsiaers ; Ende dat heynrix kindre . en_ aper h_en claeys scoutaten sone ; Eene cappelrie maken souden . en_ doteren jn der cappellen jn den haghe van twaelf pont holl_s tsiaers . beyde cappelrien vornoemt . jn ghedenckenessen ; alle der gheenre zielen dier doot bleuen ; En_ die collatien daer of te bliuen . an onsen lieuen H_e van hollant ; Soe siin voer ons comen . clays heinric scoutaten sone met sinen gheboren voecht en_ bi sinen ghemeenen vrienden ; En_ heeft bewiist ter cappelrien behoef binnen dordrecht vorscr_ zes pont holl_s jaerliker renten vp tien marghen lants jn streuelant ; Die jan lauwen sone tot eenen erfpachte jn hueren heeft ; also die eerste brief jnhout . die dorsteken es met desen brieue . jtem so heeft tot deser zeluer cappelrien bewiist . Costiin van bysanten didderix sone ; alse voer siin wiif duuen alaerd suus dochter ; Drie pont holl_ jaerliker renten ; op neghen marghen lants . jnt ambocht van oude leckerlant . die jacob borwouts sone ; tot eenen erfpachte ghehuert heeft . als die ander brief jnhout die met desen brieue dorsteken es ; jtem gheerolf alaerd suus sone . bewiisde voer ons met sinen gheboren voecht . En_ bi sinen ghemeenen vrienden ; Drie pont holl_ tsiaers . ter seluer cappelrien bi_nen dordrecht . vp zes marghen lants jnt ambocht van zuytbroec die Eueraed adaem didderix soens sone in erfpachte beseten heeft ; als die dorde brief jnhout . die dorsteken es mettesen brieue . Voert so quam voer ons . aper h_en claeys scoutaten sone ; En_ bewiisde ter cappelrien behoef jn den haghe vorscreuen ; zes pont holl_ tsiaers . waer of gheleghen siin ; viertich scelli_ghe holl_ tsiaers ; vp zes m_ghen lants . jn den ambocht van moelnaers~graue die gheraed al~die~warelt in erfpachte heeft ; also die vierde brief jnhout die met desen brieue dorsteken es jtem viertich scelli_ghe holl_ tsiaers . vp vier marghen lants jn streuelant . die jan heinric willaems soens sone jn erfpachte heeft ; alse die viifte brief jnhout . die dorsteken es met desen brieue ; jtem viertich scelli_ghe holl_ tsiaers jn streuelant ; op vier marghen lants . die willaem ghisebrechts sone van wijc jn erfpachte beseten heeft ; als die zeste brief jnhout die met desen briue dorsteken es ; Voerd so bewiisde claeys heinric scoutaten sone ; also hi vornoemt staet . Tot deser zeluer cappelrien behoef in + den haghe ; zes pont holl_ tsiaers ; waer of gheleghe_ siin . vier pont holl_ tsiaers in barendrecht jn ryedemans werelants . als die afterste brief jnhout die met desen brieue dorsteken es . jtem binnen der stede van dordr_ jn broeder jans cloester opt erue daer gheraed gheradiins sone op woent . vier en_ twintich scelli_ghe en_ acht penni_ghe holl_ tsiaers . En_ int erue daer naest . daer pieter donveruaerde nv op woent . viiftien scelli_ghe en_ vier penni_ghe holl_ tsiaers . En_ alle dese vorscreuen renten ghinghen in op onser vrouwen dach purificatio . Doe + men screef ons h_en jaer ; dusent drie hondert . + viue en_ viiftich + . jn kennessen der waerheyt Soe hebben wi scepenen en_ Raet vornoemt . desen brief open bezeghelt met onser stede zeghel . Ghegheue_ op sinte martiins auont jn + den winter . int jaer ons h_en M˚ ccc˚ zesse en_ viiftich . - .