Corpus Van Reenen-Mulder (CRM14): Oorkonde K094p37002

WJ meeus meeus soen harman haec harman haex soen Ende hugheman adaems soen . Scepenen in dordr_ orkonden en_ kennen dat cleys van der lake die snider als deken van sinte jans ghilde in dordr_ en_ tot des ghilde_ behoef jnt jaerghedinghe verboden heeft met allen rechte dat men besat des dinxdaghes op sinte ponciaens dach jnt jaer ons he_en . + M˚ . + ccc˚ . + en_ tseuentich Die husinghe gheheelic metter eenre helft van der poerten en_ van der ledigher plaetsen alsoe die brief inhout die dorsteken es met desen brieue Voerd kenne wi dat gheeraed pouwels faes zoens zoen wt desen vorseiden husinghen metter eenre helft van der poerten en_ van der ledigher plaetsen met eene_ verdebanne ghebannen es Ende die dekens en_ ghemeen ghiltbroeders van sinte jans ghilde daer in met allen rechte Jn orkonde desen brieue ghegheue_ jnt jaer en_ opten dach vorscreue_ . - - willem vlaminc