Corpus Van Reenen-Mulder (CRM14): Oorkonde K094p37003

WJ gheeraed van den steenhuse jans zone . vrederic van ameronghen vrederix sone ; ende hugheman adaems zone Scepenen jn dordrecht Orconden en_ kennen Dat vor ons quam ; Gheeraed pouwels faes soens zone ; Ende verghiede dat hi vercoft heeft Den dekenen ende den ghiltbroeders ghemeenlic van sinte jans ghilde jn dordrecht / die nv ten tiden siin en_ die namaels wesen zulle_ Die husinghe gheheelic van after tot voren met alle horen toebehoren daer wiggher ver machtelden zone in woende jnt leste van sinen liue ; streckende van der straten voren / afterwaerds tot den torfhuse toe / dat reynaer wt den haue in sinen lesten liue daer staende hadde dat een melchuus plach te wesen ; Ende die een helfte van der gheheelre porten en_ van der ledigher plaetsen staende ende gheleghen besiden den torfhuse vorghenoemt (onleesbaar) husinghe vorscreuen staen an die lantside tusschen cleys (onleesbaar) husinghe jan houtmans zoens an die een zide . ende mathijs (onleesbaar) zoenen zoens huse an die ander zide . Jn manieren dat die gheheel porte en_ die wech die besiden dien vornoemden torfhuse ? ende leyt / altoes onbetymmert sal bliuen / tot eenen doerganghe diendende jn die nyenstrate / tot ghemeenen orbaer der gheenre die bi tiden die husinghe eerst vornoemt en_ dat torfhuus vors_ besitten sullen ; Ende hem hier + of betaelt is die eerste penni_c ende die leste ; hier + bi heeft hi hem / dese husinghe gheheelic met alle_ horen toebehoren van after tot voren eerst vorghenoemt met der eenre helfte van der gheheelre porten en_ van der ledigher plaetsen vorscreuen gheloeft te waren en_ te vryen als een vrij goed van allen co_mer ende van allen antale ; Staende die gheheel husinghe vornoemt op vijf pont . acht scell_ . ende viif penninghe holl_s . tsiaers ter rechter lanthuren ; Ende waert dat hier ane yet ghebrake zo siin des borghen / willaem heinrix neuen zone en_ pouwels sanders cupers zone met ghesamender + hant en_ onghescheiden dit wel te voldoene als goede borghen ; Ende hier of heeft gheeraed pouwels faes zoens vors_ gheloeft beide siin vorscreuen borghen te quit? ? scadeloes te houden jn orconde desen brieue ghegheuen jnt jaer ons heeren . + M˚ . + ccc˚ . + en_ tseuentich . . Op den (onleesbaar)